بۇگىن الماتى قالالىق ءبىلىم باسقارماسىنىڭ ماماندارى مەكتەپكە دەيىنگى ءبىلىم بەرۋ باسقارماسىمەن بىرلەسىپ «№1 بوبەكجاي-بالاباقشا» بازاسىندا قالا پەداگوگتارىنا ارنالعان ادىستەمەلىك سەمينار ءوتتى، دەپ حابارلايدى aqshamnews.kz.
ۇيىمداستىرۋشىلار اتاپ وتكەندەي سەمينار پەداگوگتەرى وزىنە-وزى قىزمەت ەتۋ ارقىلى بالالاردى مەكتەپ ومىرىنە دايىنداۋعا كومەكتەسەدى.
«بالالار تاماقتارىن وزدەرى قۇيىپ، ورىندارىنا اپارىپ، تاماقتانادى. سودان كەيىن وزدەرى جينايدى. تاربيەشىلەر تاماق مولشەرىن، ۇستەلگە اپارۋ كەزىندە بالالاردىڭ بىر-بىرىمەن سوقتىعىسىپ قالماۋىن عانا باقىلايدى. جاپوندىق ءادىستى ەنگىزۋ بالالاردىڭ اتا-اناسىنىڭ كەلىسىمىمەن ىسكە اسىرىلادى. ارينە، ءوز كەزەگىندە بۇل ءادىس بالالاردىڭ ءبىرشاما تاۋەلسىز بولۋىنا مۇمكىندىك بەرەدى»، - دەپ ءبولىستى «№1 بوبەكجاي-بالاباقشاسىنىڭ» مەڭگەرۋشىسى قارابالايەۆا قىمبات ءالىمباي قىزى.
ايتۋ كەرەك، پەداگوگتار اراسىندا تاجىريبە الماسۋ ماقساتىندا ۇيىمداستىرىلعان ءىس-شارا قۇزىرەتتىلىك ورتالىعىنىڭ جول كارتاسى مەن جوسپارىن جۇزەگە اسىرۋ جوباسى اياسىندا وتكىزىلدى. سەمينارعا الماتى قالاسى ءبىلىم باسقارماسىنىڭ مەكتەپكە دەيىنگى تاربيە جانە تاربيە ءبولىمىنىڭ باسشىسى مەن ماماندارى، مەكتەپكە دەيىنگى رەسۋرس ورتالىعىنىڭ باسشىلارى جانە بالاباقشا مەڭگەرۋشىلەرى مەن پەداگوگتارى قاتىستى.