الماتى قالاسىنىڭ كوللەدجدەرى قازىرگى زامان اعىمىنا ساي دامىپ كەلەدى. وسى ورايدا، 2025 جىلدىڭ 26 اقپانىندا №2 الماتى گۋمانيتارلىق-پەداگوگيكالىق كوللەدجىندە كاسىبي وقىتۋ ۇدەرىسىنە جاساندى ينتەللەكت مۇمكىندىكتەرى ءساتتى ەنگىزىلۋدە، دەپ حابارلايدى aqshamnews.kz
اتالمىش شارا «جۇمىسشى ماماندىقتارى جىلى» اياسىندا ۇيىمداستىرىلعان ءىس-شارالار جوسپارىن جۇزەگە اسىرۋ ماقساتىندا وتكەن «پەداگوگيكالىق شەبەرلىك مەكتەبىنىڭ جۇمىسىن ۇيىمداستىرۋ» اتتى قالالىق ادىستەمەلىك سەمينار بارىسىندا تالقىلاندى.
ءىس-شارانىڭ باستى ماقساتى – پەداگوگتەردىڭ كاسىبي قۇزىرەتتىلىگىن ارتتىرۋ جانە پەداگوگيكالىق قىزمەت ساپاسىن كوتەرۋگە باعىتتالعان يننوۆاسيالىق ادىستەر مەن تاجىريبەلەردى تالقىلاۋ. سەمينارعا الماتى قالاسى ءبىلىم باسقارماسىنىڭ عىلىمي-ادىستەمەلىك جاڭا تەحنولوگيالار ورتالىعىنىڭ (ءعاجتو) تەحنيكالىق جانە كاسىپتىك ءبىلىم بەرۋ (تجكب) ءبولىمىنىڭ وكىلدەرى، مەملەكەتتىك كوللەدج ديرەكتورلارىنىڭ ادىستەمەلىك جۇمىس جونىندەگى ورىنباسارلارى، ادىسكەرلەر مەن وقىتۋشىلار قاتىستى. قاتىسۋشىلار پەداگوگيكالىق شەبەرلىك مەكتەبىن ءتيىمدى ۇيىمداستىرۋ جانە ءبىلىم بەرۋ ۇدەرىسىنە جاساندى ينتەللەكتىنى ەنگىزۋ ماسەلەلەرى بويىنشا تاجىريبە الماستى.
سەمينار اياسىندا «سيفرلىق ءبىلىم بەرۋ رەسۋرستارى مەن جاساندى ينتەللەكت قۇرالدارى ارقىلى ءبىلىم الۋشىلاردىڭ فۋنكسيونالدىق ساۋاتتىلىعىن قالىپتاستىرۋ جانە باعالاۋ» تاقىرىبىندا شەبەرلىك ساباعى وتكىزىلدى. شارا بارىسىندا سپيكەرلەر جاساندى ينتەللەكتىنى ءبىلىم بەرۋ سالاسىندا ءساتتى قولدانۋ تاجىريبەسىمەن ءبولىستى. ترەنينگتىڭ تاجىريبەلىك ءبولىمى پەداگوگتەرگە ءبىلىم الۋشىلاردىڭ فۋنكسيونالدىق ساۋاتتىلىعىن ارتتىرۋعا ىقپال ەتەتىن زاماناۋي سيفرلىق قۇرالدارمەن تانىسۋعا مۇمكىندىك بەردى.
تەحنيكالىق جانە كاسىپتىك ءبىلىم بەرۋ ءبولىمىنىڭ باسشىسى گۇلنارا جالەل قىزى سۇلەيمەنوۆانىڭ ايتۋىنشا، بۇل سەمينار پەداگوگيكالىق تاجىريبە الماسۋدىڭ وزەكتىلىگى مەن قاجەتتىلىگىن كورسەتىپ، كاسىبي قارىم-قاتىناستى نىعايتۋعا، ءارى پەداگوگيكالىق شەبەرلىكتى جەتىلدىرۋ سالاسىندا ودان ءارى ىنتىماقتاستىق ورناتۋعا نەگىز بولادى.
قالالىق ادىستەمەلىك سەميناردىڭ وتكىزىلۋى تۋرالى تولىق اقپاراتتى كوللەدجدىڭ رەسمي سايتىنان وقي الاسىز: https://pedcollege2.edu.kz/