جاڭا وقۋ جىلىنىڭ باستالۋىنا نەبارى ەكى اپتا قالدى بار. ال دارىگەرلەر مەكتەپ تابالدىرىعىن ەندى اتتايتىن وقۋشىلاردى الدەقايدا ەرتەرەك دايىنداعان ءجون. "دوكتور پيتەر" بالانىڭ مەكتەپكە دايىن ەكەنىن قالاي انىقتاۋعا بولاتىنىن جانە بۇل كەزەڭدى قالاي جەڭىلدەتۋگە انىقتادى، - دەپ حابارلايدى اqshamnews.kz ءتىلشىسى.
مەكتەپكە دايىندىق نەدەن تۇرادى؟
نيەۆرولوگ دميتريي كوروستوۆسيەۆتىڭ ايتۋىنشا، مەكتەپكە دايىندىق بالانىڭ جالپى دامۋ دەڭگەيى مەن دەنساۋلىعىنان باستالۋى كەرەك:
-
يممۋندىق بەيىمدىلىك - مەكتەپتە بالا بۇرىنعىدان دا كوپ اداممەن بايلانىسادى، سوندىقتان ونىڭ اعزاسى ينفەكسيالارعا قارسى دايىن بولۋعا ءتيىس.
-
الەۋمەتتىك بەيىمدىلىك - جاڭا ورتا، مۇعالىمدەر، سىنىپتاستار - ءبارى دە بالا ءۇشىن سترەسس.
-
وقۋ بەيىمدىلىگى - جاڭا تالاپتار مەن جاۋاپكەرشىلىك.
مامان مەكتەپكە دەيىن كەم دەگەندە جارتى جىل بۇرىن دارىگەرلىك تەكسەرۋدەن ءوتىپ، بالانىڭ فيزيكالىق جانە پسيحولوگيالىق دايىندىعىن باعالاتۋ قاجەتىن ايتتى.
كەيبىر اتا-انالار بالالارىن "تىم شيراق" دەپ الاڭدايدى. دارىگەر ايتۋىنشا، كوپ جاعدايدا بۇل - قالىپتى بەلسەندىلىك. ءبىراق سويلەۋ، جازۋ، وقۋ داعدىلارىندا قيىندىق بولسا، نيەۆرولوگقا نەمەسە پسيحولوگقا دەر كەزىندە قارالعان ءجون.
بالانى قاي جاستا مەكتەپكە بەرگەن دۇرىس؟
بارىنە بىردەي ەرەجە جوق: كەي بالا 6 جاسىندا دايىن بولادى، ال كەيبىرىنە تاعى ءبىر جىل قاجەت. بۇل بالانىڭ دامۋ دەڭگەيىنە بايلانىستى جەكە باعالانادى.
قوسىمشا ساباقتار
مەكتەپكە ەندى بارعان بالاعا بىردەن كوپ ۇيىرمەگە جازدىرۋدىڭ قاجەتى جوق. شامادان تىس جۇكتەمە شارشاۋ، باس اۋرۋى، يممۋنيتەتتىڭ تومەندەۋى مەن اسقازان-ىشەك ماسەلەلەرىن تۋدىرۋى مۇمكىن.
پەدياتردىڭ كەڭەسى
تاتيانا ساريەۆانىڭ ايتۋىنشا، 7 جاستاعى ۇلداردىڭ ورتاشا بويى - 117-120 سم، سالماعى - 21-23 كەلى، ال قىزداردىكى - 116-120 سم جانە 20-23 كەلى بولۋى كەرەك. وقۋ جىلى باستالعانعا دەيىن بالانىڭ بارلىق سوزىلمالى اۋرۋلارىن رەميسسياعا كەلتىرۋ، جاسىنا ساي ەكپەلەرىن الۋ جانە تامىزدان باستاپ ەرتە تۇرۋ داعدىسىن قالىپتاستىرۋ قاجەت.
ۇيقى مەن كۇن ءتارتىبى
باستاۋىش سىنىپ وقۋشىلارى تۇندە 10-10،5 ساعات ۇيىقتاۋى كەرەك. كەشكە تەلەديدار مەن گادجەتتەردى شەكتەۋ، جىلى دۋش نەمەسە مونشا قابىلداۋ، ۇيقى الدىندا 1،5 ساعات بۇرىن جەڭىل كەشكى اس ءىشۋ - بالانىڭ ۇيقى ساپاسىن جاقسارتادى.