اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
بيىل 4،1 ميلليون وقۋشى مەكتەپكە بارادى
ءقازىر ەلىمىزدە 8 مىڭنان اسا مەكتەپ جۇمىس ىستەيدى. 1 قىركۇيەكتە مەكتەپكە 4،1 ميلليون وقۋشى بارادى، ونىڭ ىشىندە 341 مىڭى - ءبىرىنشى سىنىپقا قابىلدانعان وقۋشىلار، 232 مىڭى - 11-سىنىپ وقيتىندار.
Day of AI كۋرسى ىسكە قوسىلادى
جاڭا وقۋ جىلىنان باستاپ ءبىلىم بەرۋ ۇدەرىسىنە جي ەلەمەنتتەرى كەزەڭ-كەزەڭىمەن ەنگىزىلەدى. اتاپ ايتقاندا، 2025-2026 وقۋ جىلىندا جي ينتەگراسياسى "سيفرلىق ساۋاتتىلىق" جانە "ينفورماتيكا" پاندەرىنەن باستالادى. بۇل باعىتتا ورتا ءبىلىم بەرۋ جۇيەسىندە جاساندى ينتەللەكتتى قولدانۋدىڭ ەتيكالىق ستاندارتتارى بەكىتىلدى. وقۋشىلار ءۇشىن Day of AI ونلاين كۋرستارى، ال پەداگوگتار ءۇشىن ءۇش دەڭگەيلى بىلىكتىلىكتى ارتتىرۋ كۋرستارى دايىندالدى.
بيىل 93 مىڭنان اسا ستۋدەنت گرانت الدى
ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك بيىل ۇلتتىق ءبىرىڭعاي تەستىلەۋ (ۇبت) 16 مامىردان 10 شىلدەگە دەيىن 46 وڭىرلىك تەستىلەۋ ورتالىقتارىنىڭ بازاسىندا وتكىزىلگەنىن حابارلادى. وعان 210،2 مىڭنان استام تالاپكەر قاتىستى، ولاردىڭ 76،35%-ى (160،5 مىڭ ادام) شەكتى كورسەتكىشىنەن اسىرا بالل جينادى. ۇبت-نىڭ ورتاشا ناتيجەسى 69،42 بالل بولدى.
"2025 جىلى مەملەكەتتىك ءبىلىم گرانتتارىنىڭ كونكۋرسىنا 113 مىڭعا جۋىق ءوتىنىم بەرىلدى، بۇل وتكەن جىلمەن سالىستىرعاندا 9 مىڭعا ارتىق. بيىل جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋعا 93 232 گرانت ءبولىندى، ونىڭ ىشىندە 77 084 گرانت جوعارى ءبىلىم الۋى ءۇشىن ءبولىندى. كونكۋرس قورىتىندىسى بويىنشا گرانتتار 99% كولەمىندە يگەرىلدى"، — دەدى مينيستر.
پرەزيدەنت تاپسىرماسى بويىنشا بيىل 29 جاتاقحانا سالۋ جوسپارلانعان
مەملەكەت باسشىسىنىڭ ستۋدەنتتەردى باسپانامەن قامتۋ جونىندەگى تاپسىرماسىن جۇزەگە اسىرۋ شەڭبەرىندە 2025 جىلى 10 439 ورىندىق 29 جاتاقحانانى ىسكە قوسۋ جوسپارلانعان. بۇل تۋرالى ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك حابارلادى. ولاردىڭ ىشىندە جوو ستۋدەنتتەرىنە 8 325 ورىندىق 20 جاتاقحانا، كوللەدج ستۋدەنتتەرىنە 2 114 ورىندىق 9 جاتاقحانا ارنالعان.
بۇگىنگى تاڭدا 3 528 ورىندىق 4 جاتاقحانا پايدالانۋعا بەرىلدى. ولار – تۇركىستان قالاسىندا 652 ورىندىق 2 جاتاقحانا، استانا قالاسىندا 2 876 ورىندىق 2 جاتاقحانا.
وقۋ جىلىنىڭ باسىنا دەيىن 4 228 ورىندىق 19 جاتاقحانا اشىلادى دەپ كۇتىلۋدە. ولار – استانا، الماتى، شىمكەنت قالالارى، اباي، الماتى، اقمولا، قوستاناي، الماتى، جامبىل، تۇركىستان وبلىستارى.
ودان بولەك، 2025 جىلدىڭ سوڭىنا دەيىن 2 683 ورىندىق 6 جاتاقحانا ىسكە قوسىلماق. ونىڭ ىشىندە 5 جاتاقحانا الماتى قالاسىندا جانە 1 جاتاقحانا استانا قالاسىندا.
بيىل 7 ايدا قازاقستاننىڭ ءجىو ءوسىمى 6،3% بولدى
ۇلتتىق ستاتيستيكا بيۋروسىنىڭ الدىن الا دەرەكتەرىنە سايكەس، 2025 جىلدىڭ قاڭتار–شىلدە ايلارىندا قازاقستاننىڭ جالپى ىشكى ءونىمى (ءجىو) بىلتىرعى سايكەس كەزەڭمەن سالىستىرعاندا 6،3%-عا وسكەن.
تاۋار ءوندىرۋ كولەمى 8،3%-عا، قىزمەتتەر 5،2%-عا (بۇل رەتتە ەڭ قارقىندى سەگمەنت كولىك پەن ساۋدا بولىپ وتىر)، ونەركاسىپ 6،9%-عا ارتتى.
ءجىو-نىڭ وسۋىنە ەڭ كوپ ۇلەس قوسقان سالالار: كولىك جانە قويما – 22،5%، قۇرىلىس – 18،5%، كوتەرمە جانە بولشەك ساۋدا – 8،6%، تاۋ-كەن ونەركاسىبى – 8،5%، وڭدەۋ ونەركاسىبى – 6،1%.