ەشتەڭەگە بەيجاي قارامايتىن الماتىلىقتار وقۋ جىلىنىڭ باسىندا مۇقتاج وتباسىلاردىڭ بالالارىنا قاجەت قۇرالداردى جيناۋعا كومەكتەسۋدە.
«مەكتەپكە جول» اكسياسى اياسىنان ءبىز دە شەت قالمادىق. «Alataý Aqparat» جشس-نە كوپ بالالى انا رايسا ساۆەليەۆادان حات كەلىپ تۇسكەن بولاتىن.
– مەنىڭ ەكى قىزىم مەن ءۇش ۇلىم بار. ءقازىر ولاردى مەكتەپكە دايىنداۋعا شامام جەتپەيدى. كوپ قاراجات كەرەك. الدىمەن كومەك سۇراپ مەكتەپكە بارعانمىن، ءبىراق ولار قول ۇشىن سوزبادى. اقىرى وسى ماسەلە جونىندە سىزدەرگە جازۋدى ۇيعاردىم، – دەپ مۇڭىن شاقتى كوپ بالالى انا.
– مەنى ەلەپ-ەسكەرەر دەپ ۇمىتتەنگەنمىن. مەن سىزدەردىڭ گازەتتەرىڭىزدىڭ تۇراقتى وقىرمانىمىن. Instagram پاراقشالارىڭىزعا دا جازىلعانمىن. كورسەتىپ جاتقان كومەكتەرىڭىزگە كۋامىن. مەن سىزدەردىڭ ۇيىمدارىڭىزعا وقۋ قۇرالدارى تۇرىندەگى باعا جەتپەس سىيلىق ءۇشىن ريزاشىلىعىمدى بىلدىرەمىن، وتە قۋانىشتىمىن.
ەندى ساۆەليەۆتەر وتباسىنىڭ وقۋشىلارى وقۋ جىلىن باستاۋعا، ءبىلىم الۋعا دايىن.
– ءبىر بالانىڭ ءوزىن مەكتەپكە دايىنداۋعا 100 مىڭنان استام اقشا كەتەدى، مەنىڭ كۇيەۋىمنىڭ ءبىر جالاقىسىنا قاراپ وتىرمىز. ارينە، ءبىز بالاعا مۇگەدەكتىك بويىنشا جاردەماقى الامىز. مەنىڭ قىزىمدا كوبەلەك سيندرومى بار. ونىڭ تەرىسى وتە نازىك، دەنى ساۋ ادام ءۇشىن تۇك ەمەس زاقىم مەنىڭ قىزىم ءۇشىن اۋىر زارداپتارعا اكەلەدى. اي سايىن ارنايى جاقپا مايلار مەن دارىلەرگە قىرۋار قاراجات كەتەدى. ءبىز كەز كەلگەن كومەككە رازىمىز جانە كومەك كورسەتەمىن دەۋشىلەرگە العىسىمىز شەكسىز. سىزدەرگە تاعى دا راحمەت!
ساۆەليەۆتەر وتباسىنا كومەكتەسكىسى كەلەتىندەر ءبىزدىڭ رەداكسياعا حابارلاسىپ، ولاردىڭ بايلانىس تەلەفوندارىن الا الادى.