باس سانيتار دارىگەردىڭ قاۋلىسى شىقتى.
قازاقستاننىڭ باس سانيتار دارىگەرى ەرلان قياسوۆتىڭ جاڭا قاۋلىسى شىقتى، دەپ حابارلايدى Almaty-akshamy.kz.
«2021-2022 وقۋ جىلىندا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىندا شتاتتىق فورماتتا وقۋعا رۇقسات ەتىلسىن»، - دەپ جازىلعان قاۋلىدا.
سونداي-اق، وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرىنە، قازاقستان رەسپۋبليكاسى ءبىلىم جانە عىلىم مينيسترلىگىنە، بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىنىڭ باسشىلارىنا جاڭا وقۋ جىلىندا مىناداي ساقتىق شارالارىن ۇيىمداستىرۋ جۇكتەلگەن:
- پەداگوگتەر مەن پەرسونالدىڭ 100% ۆاكسينالانۋى (تۇراقتى مەديسينالىق قارسى كورسەتىلىمدەرى بار ادامداردى، COVID-19 اۋىرىپ ساۋىققان ادامداردى ساۋىققاننان كەيىن 3 اي ىشىندە قوسپاعاندا)؛
- ۇيىمعا كىرۋ كەزىندە Ashyq قوسىمشاسىن ەنگىزۋ (پەداگوگتاردى، پەرسونالدى، اتا-انالاردى (زاڭدى وكىلدەردى)، 18 جانە ودان جوعارى جاستاعى ءبىلىم الاتىن كەلۋشىلەردى QR-كود (check-in) بويىنشا تىركەۋ)؛
- ماسكا رەجيمىن ساقتاۋ؛
- رەسيركۋلياتورلاردىڭ، سانيتايزەرلەردىڭ، تەرى انتيسەپتيكتەرىنىڭ، دەزينفەكسيالاۋ جانە جۋۋ قۇرالدارىنىڭ جەتكىلىكتى سانىمەن قامتاماسىز ەتۋ؛
- ءۇي-جايلاردى جيناۋ جانە دەزينفەكسيالاۋ جيىلىگىن ارتتىرۋ؛
- ءۇي-جايلاردى ىلعالدى جيناۋ جانە دەزينفەكسيالاۋ، ءۇي-جايلاردىڭ اۋاسىن جەلدەتۋ جانە زارارسىزداندىرۋ رەجيمىنە قويىلاتىن تالاپتاردى ساقتاۋ؛
- پەداگوگتەردىڭ، پەرسونالدىڭ جانە ءبىلىم الۋشىلاردىڭ كۇندەلىكتى «كىرۋ» سۇزگىسى (بايلانىسسىز تەرمومەترمەن تەرمومەتريا)؛
- بۇقارالىق ءىس-شارالاردى وتكىزۋگە تىيىم سالۋ (مادەني، تاربيە، سىنىپتان تىس جانە اتا-انالار جينالىستارى جانە ت. ب.)؛
- مەكتەپكە دەيىنگى جانە ورتا ءبىلىم بەرۋ ۇيىمدارىندا توپتار مەن سىنىپتاردى بىرىكتىرە وتىرىپ ءىس-شارالار وتكىزۋگە تىيىم سالۋ؛
- زەرتحانالىق، پراكتيكالىق ساباقتاردى قوسپاعاندا، كابينەتتىك وقىتۋ جۇيەسىن بولدىرماۋ؛
- باستاۋىش، ورتا جانە جوعارى سىنىپ وقۋشىلارىن بولەك ۇستاۋ (ساباقتىڭ باستالۋ ۋاقىتى بويىنشا ەڭ جوعارى مۇمكىندىكتى ەسكەرە وتىرىپ) جاعدايلارىندا وقىتۋ.