الماتىدا شاھار باسشىسى باقىتجان ساعىنتايەۆتىڭ قاتىسۋىمەن زارداپ شەككەن بيزنەستى قالىپقا كەلتىرۋ جانە قالانىڭ ودان ءارى دامۋى جونىندە قالالىق اكتيۆتىڭ وتىرىسى وتكەنى كوڭىلگە دەمەۋ بولدى، جۇرەكتەرگە ۇلكەن سەنىم ۇيالاتتى.
پرەزيدەنت قاسىم-جومارت توقايەۆ جەدەل شتاب وتىرىسىندا ۇكىمەتتىك كوميسسياعا الماتى قالاسىنىڭ اكىمدىگىمەن بىرلەسە وتىرىپ، شاھاردىڭ تىنىس-تىرشىلىگىن قالپىنا كەلتىرۋدى تاپسىرعان بولاتىن. الماتى – تۋعان قالاسى ەكەنىن ايتقان پرەزيدەنت ۇكىمەتتىڭ الدىندا قالانىڭ كەلبەتىن بۇرىنعىدان دا جاقسارتۋ مىندەتى تۇرعانىن مالىمدەگەن ەدى.
شاھار باسشىسى باقتىجان ساعىنتايەۆ قاسىرەتتى قاڭتار كۇندەرىنەن كەيىن قالا بىرتىندەپ قالىپتى ومىرگە ورالىپ جاتقانىن ايتتى. ارنايى كوميسسيا كەلتىرىلگەن زالالعا باعا بەرىپ جاتىر ەكەن. كاسىپكەرلەرگە ءبىرقاتار جەڭىلدىك بەرىلەتىنىن، كەلتىرىلگەن شىعىن وتەلەتىنىن، تارتىپسىزدىكتەر كەزىندە جاراقات العان قىزمەتكەرلەرگە 2 ملن. تەڭگەدەن باستاپ، 500 مىڭ تەڭگەگە دەيىن وتەماقى تولەنەتىنىن قالا باسشىسىنىڭ ءوز اۋزىنان ەستىپ، كوڭىلىمىز جايلانىپ قالدى. قالادا وقۋشىلار سارايىنىڭ، بالاباقشالار مەن مەكتەپتەردىڭ سانى ارتىپ، بەس جىل ىشىندە مەكتەپ-بالاباقشا تاپشىلىعى جويىلادى دەگەن مالىمدەمەسى دە – قۋانارلىق جاعداي. قالا بيلىگىنىڭ بارلىق باستامالارىن قولدايمىن. حالقىمىزدىڭ تۇرمىسىن جاقسارا تۇسەتىنىنە، قالامىز گۇلدەنە تۇسەتىنىنە كامىل سەنەمىن.