الماتى اكتيۆىندە پرەزيدەتتىڭ زارداپ شەككەن بيزنەستى قالپىنا كەلتىرۋ جانە مەگاپوليستى ودان ءارى دامىتۋ تۋرالى تاپسىرمالارىن ورىنداۋ بويىنشا سويلەگەن سوزىندە قالا اكىمى ب. ساعىنتايەۆ ينفراقۇرىلىمدىق جوبالاردى ىسكە اسىرۋ تۋرالى ايتىپ بەردى
الماتى اكىمى «جاڭا الماتى» شەت ايماقتارىن دامىتۋدىڭ كەشەندى جوسپارى اياسىندا 64 ءىس-شارا نەمەسە 428 جوبا ىسكە اسىرىلىپ جاتقانىن اتاپ ءوتتى، دەپ حابارلايدى Almaty-akshamy.kz
2 جىل ىشىندە 178 جوبا ىسكە اسىرىلدى، 177 جوبا ىسكە اسىرىلۋ ساتىسىندا، 73 جوبا كەلەسى جىلدارى كوزدەلگەن. جوسپار بويىنشا جىل سايىنعى قارجىلاندىرۋ شامامەن 200 ملرد تەڭگەنى قۇرايدى.
«بۇگىن ۇكىمەتپەن جوسپار جوبالارى بويىنشا قارجىلاندىرۋدى ۇلىقتاۋ ماسەلەسىن تالقىلايمىز»، - دەدى ب. ساعىنتايەۆ.
2 جىل ىشىندە الماتىدا 620 شاقىرىم سۋمەن جابدىقتاۋ جانە كارىز جەلىلەرى سالىندى. 16 تۇرعىن ءۇي الابى (مەدەۋ اۋدانىنىڭ "دۋمان" شاعىناۋدانى، تۇركسىب اۋدانىنىڭ "شىعىس تاڭى"، "قايرات"، "كولحوزشى" شاعىناۋداندارى، ناۋرىزباي اۋدانىنىڭ "قۇرامىس"، "تاستىبۇلاق" شاعىناۋداندارى) سۋمەن جانە كارىزبەن قامتاماسىز ەتىلدى. بيۋدجەت جانە ءمجا ەسەبىنەن جاڭعىرتىلعان 42 مەكتەپ سپورت الاڭىنا قوسىمشا تاعى 30 سپورت الاڭى سالىنادى، ءسويتىپ، ولاردىڭ جالپى سانى 72-گە جەتكىزىلەدى.
بيىل 18 نىساننىڭ، ونىڭ ىشىندە "شاڭىراق-1"، "قاراسۋ"، "اقجار"، "شۇعىلا"، "جاس قانات" شاعىناۋداندارىندا سۋمەن جابدىقتاۋ جانە كارىز جەلىلەرىنىڭ قۇرىلىسى اياقتالادى.
"قارعالى"، "قاراعايلى"، "قۇرامىس"، "تاۋ سامالى" شاعىناۋداندارىندا 50 مىڭ حالىقتى سۋمەن قامتاماسىز ەتەتىن قارعالى وزەنىندە سۋ تارتۋ قۇرىلىسى اياقتالادى جانە اقساي وزەنى مەن "ەرمەنساي" شاعىناۋدانىندا تاعى ەكى سۋ تارتۋ قۇرىلىسى باستالادى. ولار "اقجار"، "اقتوبە"، "ەرمەنساي"، "نۇرلىتاۋ"، "رەميزوۆكا"، "تاۋ جولى"، "تاستىبۇلاق"، "شۇعىلا" شاعىناۋداندارىندا جانە الماتى وبلىسىنىڭ قىرعاۋىلدى كەنتىندە 100 مىڭ حالىقتى قامتيدى.
الماتى اكىمىنىڭ ايتۋىنشا، 2021 جىلى 424 شاقىرىمنان استام ەلەكتر جەلىلەرى قايتا جاڭعىرتىلىپ، بۇرىن جارىقتاندىرىلماعان 2024 كوشە جارىقتاندىرىلدى. بوستاندىق اۋدانىندا قۋاتى 64 مۆت «كاسكاد» قوسالقى ستانسياسىنىڭ قۇرىلىسى اياقتالدى.
2 جىل ىشىندە كوممۋنالدىق مەنشىككە 334،1 كم يەسىز ەلەكتر جەلىلەرى جانە 202 ترانسفورماتورلىق قوسالقى ستانسيالار قابىلداندى.
بيىل مەدەۋ، الاتاۋ جانە ناۋرىزباي اۋداندارىندا ۇزىندىعى 147،2 كم ەلەكتر جەلىلەرىن قايتا جاڭارتۋ اياقتالادى.
«جىل سوڭىندا ءبىز بوستاندىق اۋدانىنداعى «الماگۇل» جانە تۇركسىب اۋدانىنداعى «تۇزدىباستاۋ» ەكى قوسالقى ستانسياسىنىڭ قۇرىلىسىن اياقتايمىز، بۇل 400 مىڭ تۇرعىندى سەنىمدى جانە ۇزدىكسىز ەلەكترمەن قامتاماسىز ەتەدى»، - دەدى ب. ساعىنتايەۆ.
1066 جارتىلاي جارىقتاندىرىلماعان كوشەلەر مەن 486 اۋلا اۋماقتارىندا سىرتقى جارىقتاندىرۋ قۇرىلىسى اياقتالادى. 24 كوشەنى جارىقتاندىرۋ جاڭعىرتىلادى.
الماتىدا 2 جىل ىشىندە گازبەن جابدىقتاۋ جەلىلەرىنە 3،8 مىڭنان استام تۇرعىن ءۇي قوسىلدى. بۇگىندە تۇرعىنداردىڭ 99،2% ورتالىقتاندىرىلعان گازبەن قامتىلعان.
الايدا، 1497 تۇرعىن ءۇي، ونىڭ ىشىندە حالىقتىڭ الەۋمەتتىك وسال توپتارى گازعا قوسىلماعان كۇيىندە قالىپ وتىر.
الماتى اكىمى قالا بيۋدجەتى ەسەبىنەن حالىقتىڭ الەۋمەتتىك وسال توپتارىنىڭ وتباسىلارىن گازعا قوسۋدى تاپسىردى.
جول-كولىك ينفراقۇرىلىمىنا كەلەتىن بولساق، ب. ساعىنتايەۆتىڭ ايتۋىنشا، 2021 جىلى رىسقۇلوۆ – ەمسوۆ جول ايرىعىنىڭ قۇرىلىسى اياقتالدى، الاتاۋ كوشەسىن تەسۋ، اباي بويىنشا قوزعالىس اشىلدى، "تاۋ سامالى" شاعىناۋدانىندا قونايەۆ كوشەسىن قايتا جاڭارتۋ اياقتالدى، الاتاۋ، ناۋرىزباي جانە تۇركسىب اۋداندارىنىڭ 8 شاعىناۋدانىندا ("العاباس"، "شاڭىراق-5"، "سامعاۋ"، "وجەت"، "المەرەك"، "قايرات"، "نۇرشاشقان"، "قۇرامىس") 65 كم جاڭا جول سالىندى.
"دۋمان" شاعىناۋدانىنداعى جولدار كۇردەلى جوندەۋدەن ءوتتى. ۇزىندىعى 201 كم 206 كوشە ورتاشا جوندەۋمەن قامتىلدى.
«اعىمداعى جىلى بۇقتىرما – قۇلجا جول ايرىعى بويىنشا جۇمىستار اياقتالادى. سەيفۋللين – جانسۇگىروۆ قيىلىسىنداعى قوزعالىس اشىلادى. اۋەزوۆ كوشەسىن تەسۋ جۇمىستارى اياقتالادى، سايىن كوشەسىن تەسۋ قۇرىلىسى جالعاسادى، تولە بي كوشەسىن تەسۋ جۇمىستارى باستالادى. "العاباس"، "المەرەك"، "قايرات"، "شۇعىلا"، "اقجار" جانە "شاپاعات" شاعىناۋداندارىندا 100 كم جاڭا جول سالىنادى»، - دەپ اتاپ ءوتتى الماتى اكىمى.
ۇزىندىعى 221 كم بولاتىن 224 كوشەگە ورتاشا جوندەۋ جۇمىستارى جۇرگىزىلىپ، 23 ماگيسترالدى كوشە، سونىڭ ىشىندە ءال-فارابي، شىعىس اينالما جولى، روزىباكييەۆ جانە ت.ب كوشەلەر قامتىلادى.
"اقبۇلاق"، "دارحان"، "قاراسۋ"، "تاستىبۇلاق"، "شۇعىلا" جانە ت.ب. شاعىناۋداندارىنداعى جولدار جوندەلەدى، 1ء-شى توقساننىڭ سوڭىنا دەيىن «سارىارقا» جانە «باۋىرجان مومىش ۇلى» مەترو ستانسيالارى ىسكە قوسىلادى، «قالقامان» ستانسياسىنىڭ قۇرىلىسى جالعاسادى.