مەكتەپ اسحانالارىنىڭ ساپاسى كوتەرىلەدى.
المالى اۋدانىنىڭ تۇرعىنى قالا اكىمى ەربولات دوسايەۆتان مەكتەپ اسحاناسىنا تەكسەرۋ جۇرگىزۋىن سۇرادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
المالى اۋدانى تۇرعىندارى اتىنان كەلگەن اسەت وڭالبايەۆ قالا اكىمىنەن مەكتەپ اسحانالارىن تەكسەرۋ كەرەكتىگىن ايتتى.
«ءقازىر الماتىداعى باستاۋىش سىنىپ وقۋشىلارى تەگىن ىستىق تاماقپەن قامتىلدى. ول ءۇشىن ۇلكەن راحمەت ايتامىز. الايدا، ءقازىر مەكتەپ اسحاناسى ءبىر وقۋشىعا بەرىلەتىن 60-80 گر ەتتى 8-10 گراممعا دەيىن قىسقارتىپ تاستادى. جاريالانعان موراتوريي بار تۇسىنەم. دەسەكتە، تەكسەرۋ جۇرگىزۋ كەرەك. ءوزىڭىز، ءبىلىم جانە كاسىپكەرلىك باسقارماسى وسى ماسەلەنى قاراستىرساڭىزدار»،- دەدى قالا تۇرعىنى.
ەربولات دوسايەۆتىڭ ايتۋىنشا، تەكسەرۋ جۇرگىزۋ بويىنشا قيىنشىلىقتار بار. ءقازىر مەكتەپ اسحاناسىن اتا-انالار كوميتەتى قاراپ جاتىر.
«جاڭا جىلدان باستاپ بيۋدجەتتەن شامامەن 20 ملرد تەڭگەگە جۋىق قارجى بولىنەدى. مەكتەپ اسحانالارىنىڭ ساپاسىن كوتەرەمىز»،- دەپ جاۋاپ بەردى قالا باسشىسى.
بۇعان دەيىن الماتى كاسىپكەرلەرى وقۋشىلاردى تەگىن تاماقتاندىرۋعا بولىنگەن قاراجات شىعىندى اقتامايتىنىن ايتقان بولاتىن.