مۇنىڭ سەبەبى – مەكتەپ جيھازىن ورنالاستىرۋدا كەتكەن كەمشىلىكتەر.
اتاپ ايتقاندا، وقۋشىلاردىڭ بوي جانە جاس ەرەكشەلىكتەرىن ەسكەرمەۋ، دەپ حابارلايدى Almaty-akshamy.kz
وقۋ-اعارتۋ مينيسترلىگىنىڭ قارجى جانە بيۋدجەتتى جوسپارلاۋ دەپارتامەنتىنىڭ ديرەكتورى عالىمجان مولداش دەنساۋلىق ساقتاۋ مينيسترلىگىنىڭ مالىمەتىنە سايكەس، كەيىنگى جىلدارى وقۋشىلار اراسىندا سكوليوزبەن سىرقاتتانۋشىلىقتىڭ ءوسۋى بايقالعانىن ايتتى.
"كەيىنگى جىلدارى مەكتەپ وقۋشىلارى اراسىندا سكوليوز اۋرۋى ەكى ەسە ءوستى. سوندىقتان "جايلى مەكتەپ" ۇلتتىق جوباسى اياسىندا جيھازعا باسا نازار اۋدارىلدى. سونىمەن قاتار، بالالاردىڭ فيزيكالىق اۋىرتپاشىلىعىن ازايتۋ جانە ولاردى ىڭعايلى ەتۋ ءۇشىن مەكتەپ كەرەك-جاراقتارى اۋىستىرىلىپ، بارلىق مەكتەپتە كيىم ساقتاۋعا ارنالعان جەكە شكافتار بولادى. مەكتەپتەردىڭ ءار قاباتىندا اۋىزسۋ بۇرقاقتارى ورناتىلادى"، - دەدى عالىمجان مولداش.
ءبىلىم مينيسترلىگى وكىلىنىڭ ايتۋىنشا، ەرەكشە قاجەتتىلىكتەرى بار بالالارعا جاعداي جاساۋ ماقساتىندا ءاربىر مەكتەپ پاندۋس، ليفت، كوتەرگىشتەر مەن سانيتارلىق توراپتارمەن جابدىقتالادى.
"قازىرگى ۋاقىتتا مەكتەپتەردىڭ ەشقايسىندا ليفت جوق. سوندىقتان، بالالارعا جاعداي جاساۋ ءۇشىن ەندى سالىناتىن بارلىق مەكتەپ ليفتپەن جانە قۇرىلعىلارمەن جابدىقتالۋى كەرەك. ۇلتتىق جوبانى ىسكە اسىرۋ ءۇشىن 30-دان اسا مەملەكەتتىك ورگاندار مەن ۇيىمدار جۇمىلدىرىلدى. ولاردىڭ ءارقايسىنىڭ ءرولى مەن جاۋاپكەرشىلىگى انىقتالدى. وقۋ-اعارتۋ مينيسترلىگى ۇلتتىق جوبانىڭ ساپالى ىسكە اسىرىلۋىن قاداعالاپ، ادىستەمەلىك قولداۋ كورسەتەدى. "سامۇرىق-قازىنا" جانە وڭىرلەردىڭ اكىمدىكتەرى مەكتەپتەردىڭ ساپالى قۇرىلىسى مەن ولاردى پايدالانۋعا ءوز ۋاقىتىندا بەرۋگە جاۋاپتى"، دەپ تۇيىندەدى ول.