ول اداسىپ، اسپالى جولمەن تۇسۋگە ۇلگەرمەي قالعان ەكەن.
تجم جەدەل قۇتقارۋ جاساعى الماتى تاۋلارىنان كورەيادان كەلگەن جوعالعان ءتۋريستى قۇتقاردى، دەپ حابارلايدى Almaty-akshamy.kz
23 تامىزدا تاڭعى ساعات 9-دا كورەيا رەسپۋبليكاسىنان 25 ادامنان تۇراتىن دەلەگاسيا "كومبي-1" اسپالى جولىمەن كوتەرىلىپ، تالعار اسۋىنا جاياۋ جەتكەن. گيد تۋريستەرگە بوس ۋاقىت بەرگەن، ءبىراق شىمبۇلاققا ءتۇسىپ جاتقاندا توپتىڭ ءبىر مۇشەسى جوق ەكەنىن بايقاعان.
24 تامىز كۇنى كونسۋلدىق وكىل قۇتقارۋشىلارعا جۇگىنگەن. ساعات 12:05-تە ايەلدى ىزدەۋگە 7 ادامنان، ونىڭ ىشىندە ءبىر كينولوگيالىق ەسەپتەن تۇراتىن تجم رجقج (رەسپۋبليكالىق جەدەل-قۇتقارۋ جاساعى) قۇتقارۋشىلارى شىقتى.
ساعات 14:22-دە قۇتقارۋشىلار سول جاق تالعاردان ءتۋريستى امان-ەسەن تاپتى. ول اداسىپ، اسپالى جولمەن تۇسۋگە ۇلگەرمەي قالعان ەكەن. ءساتى ءتۇسىپ، تۋريست ءۇي تاۋىپ الىپ، سوندا تۇنەپ شىققان. شەتەلدىك ايەلگە مەديسينا كومەگى قاجەت بولعان جوق.
"تجم قۇتقارۋشىلارى توپتىڭ تاۋداعى ءقاۋىپسىز ءجۇرىس-تۇرىسىن ەسكە سالادى: تۋريستىك قۇرامنىڭ قاتارىندا مىندەتتى تۇردە باسشى بولۋى كەرەك. ءجۇرىپ وتەتىن مارشرۋتتا توپتى تاراتىپ جىبەرۋگە بولمايدى. قوزعالىس قارقىنىن توپتاعى ەڭ ءالسىز ادامعا قاراي انىقتاۋ قاجەت. تەك توپ باسشىسىنىڭ رۇقساتىمەن عانا توپتان اجىراپ كەتۋگە نەمەسە تۇراقتاۋعا بولادى"، - دەپ ەسكەرتتى تجم ماماندارى.