مەكتەپ وقۋشىلارىن تاماقتاندىرۋ جۇيەسى وزگەرەدى

وقۋشىنىڭ ءوزى اكەلەتىن تاعامدى جەۋگە قاجەتتى جاعداي جاسايدى.

مەملەكەتتىك ورتا ءبىلىم بەرۋ ۇيىمدارىندا، مەكتەپتەن تىس قوسىمشا ءبىلىم بەرۋ ۇيىمدارىندا ءبىلىم الۋشىلاردى تاماقتاندىرۋدى ۇيىمداستىرۋ قاعيدالارىنا وزگەرىستەر مەن تولىقتىرۋلار ازىرلەندى، دەپ حابارلايدى Almaty-akshamy.kz

وسىلايشا، مەكتەپتەرگە وقۋشىلاردى تاماقتاندىرۋدى ۇيىمداستىرۋدىڭ بالامالى نۇسقالارىن تاڭداۋ مۇمكىندىگىن بەرۋ ۇسىنىلادى.

وسىعان بايلانىستى مەكتەپ اسحاناسىندا قۇرال-جابدىقتار مەن ءتيىستى جاعدايلار بولعان كەزدە وقۋشىلاردى تاماقتاندىرۋعا ارنالعان تاۋارلاردى اسحانا مەڭگەرۋشىلەرىنىڭ، اسپازشىلاردىڭ، اسحانا قىزمەتكەرلەرىنىڭ شتاتتان تىس بولىمشەلەرىن ەنگىزۋ ارقىلى كونكۋرستىق نەگىزدە ساتىپ الۋعا بولاتىنى تۋرالى جاڭا تارماق قوسىلدى. جەرگىلىكتى اتقارۋشى ورگانداردىڭ شەشىمى بويىنشا.

سونىمەن بىرگە، وتاندىق تاۋار وندىرۋشىلەردى قولداۋ اياسىندا ازىق-تۇلىك ونىمدەرىنىڭ كەمىندە 60 پايىزى وزىمىزدە ءوندىرىلۋى ءتيىس دەگەن باپتار ەرەجەدەن الىنىپ تاستالدى.

تۇسىندىرگەندەي، بۇل ەۋرازيالىق ەكونوميكالىق وداقتىڭ قازاقستان رەسپۋبليكاسىنىڭ ىشكى نارىعىندا كەدەرگىلەردىڭ بار ەكەندىگى تۋرالى قورىتىندىسى نەگىزىندە جۇزەگە اسىرىلادى.

سونىمەن قاتار، ەرەجەلەرگە مەكتەپتەر وزدەرىمەن بىرگە اكەلىنەتىن تاعامداردى جەۋگە قاجەتتى جاعداي جاسايدى دەگەن تالاپ قوسىلدى.

بۇل رەتتە، ساتىپ الىناتىن ازىق-تۇلىك ونىمدەرى قازاقستان رەسپۋبليكاسىنىڭ تاماق ونىمدەرىنىڭ قاۋىپسىزدىگى تۋرالى زاڭناماسىندا بەلگىلەنگەن تالاپتارعا سايكەس كەلۋى ءتيىس ەكەندىگى اتاپ ءوتىلدى.

قۇجات 25 قاراشاعا دەيىن قوعامدىق تالقىلاۋ ءۇشىن اشىق نقا ۆەب-سايتىندا ورنالاستىرىلعان.