قۇجات 3 قازانعا دەيىن «اشىق نقا» سايتىندا تالقىلاۋ ءۇشىن ورنالاستىرىلعان.
دەنساۋلىق ساقتاۋ مينيسترلىگى مەكتەپ مەديسيناسى قىزمەتىنىڭ ستاندارتىن ازىرلەدى، دەپ حابارلايدى Almaty-akshamy.kz
جوبانىڭ ماقساتى مەكتەپ مەديسيناسىن ۇيىمداستىرۋدى رەتتەۋ (مەكتەپ جاسىنداعى بالالارعا مەديسينالىق كومەك كورسەتۋ ءتارتىبى، ۇسىنىلاتىن شتات نورماتيۆتەرى، ۇسىنىلاتىن ماتەريالدىق-تەحنيكالىق جاراقتاندىرۋ جانە ت.ب.).
ورتا ءبىلىم بەرۋ ۇيىمى وقۋشىلارعا دارىگەرگە دەيىنگى جانە بىلىكتى مەديسينالىق كومەك كورسەتۋگە ارنالعان جەكە كابينەت (مەديسينالىق پۋنكت) بولەدى جانە ونى جيناۋ مەن تەحنيكالىق كۇتىپ-ۇستاۋدى قامتاماسىز ەتەدى.
مەديسينالىق پۋنكت وقۋشىلار سانى 50 وقۋشىعا دەيىن شاعىن جيناقتى مەكتەپتەردەن باسقا، ۇيىمعا ءبىر geyrn ەسەبىنەن ورتا ءبىلىم بەرۋ ۇيىمدارىندا اشىلادى، - دەلىنگەن قۇجاتتا.
ورتا ءبىلىم بەرۋ ۇيىمىندا مەديسينالىق پۋنكت بولماعان كەزدە وقۋشىلارعا مەديسينالىق كومەكتى اۋماقتىق قاعيدات ەسكەرىلە وتىرىپ، مەديسينالىق-سانيتاريالىق العاشقى كومەك ۇيىمدارى (مساك) ۇسىنادى.
ورتا ءبىلىم بەرۋ ۇيىمى وقۋشىلاردىڭ اتا-انالارىنىڭ (زاڭدى وكىلدەرىنىڭ) جوسپارلى تارتىپپەن ۆاكسيناسيا نەمەسە باسقا دا مەديسينالىق قىزمەتتەر جۇرگىزۋ كەزىندە مەديسينالىق ارالاسۋعا حاباردار ەتىلگەن كەلىسىمىن الۋعا نەمەسە ودان باس تارتۋىنا جاردەمدەسەدى.
مەديسينالىق پۋنكتتىڭ جۇمىس كەستەسى ورتا ءبىلىم بەرۋ ۇيىمىنىڭ جۇمىس كەستەسىنە سايكەس اۋىسىمدىق رەجيمدە بەلگىلەنەدى، - دەلىنگەن قۇجاتتا.
مساك ۇيىمى، قىزمەت كورسەتۋ اۋماعىندا ورنالاسقان، مەديسينالىق قىزمەتكە بەرىلگەن ليسەنزياعا قوسىمشانىڭ نەگىزىندە ورتا ءبىلىم بەرۋ ۇيىمىنىڭ مەديسينالىق پۋنكتىندە مىناداي مەديسينالىق قىزمەتتى: مەديسينالىق-سانيتاريالىق العاشقى كومەك: دارىگەرگە دەيىنگى، بىلىكتى ماماندىقتار بويىنشا بالالار حالقىنا امبۋلاتوريالىق-ەمحانالىق كومەكتى جۇزەگە اسىرادى.
مەكتەپ مەديسيناسىن ۇيىمداستىرۋعا قاتىساتىن دەنساۋلىق ساقتاۋ ۇيىمدارى قىزمەتىنىڭ نەگىزگى مىندەتتەرى مەن باعىتتارى:
- پروفيلاكتيكالىق مەديسينالىق تەكسەرۋلەر جۇرگىزۋ؛
- پروفيلاكتيكالىق مەديسينالىق قاراپ-تەكسەرۋ ناتيجەلەرى بويىنشا ساۋىقتىرۋ ءىس-شارالارىن ۇيىمداستىرۋ؛
- پسيحيكاعا بەلسەندى اسەر ەتەتىن زاتتاردى قولدانۋعا بايلانىستى مىنەز-قۇلىق تاۋەكەلدەرىنىڭ پروفيلاكتيكاسى جانە ولاردى تومەندەتۋ؛
- ۆاكسينالاۋدى جۇرگىزۋ؛
- اۋرۋلاردىڭ پروفيلاكتيكاسى، وقۋشىلار اراسىندا سالاماتتى ءومىر سالتىن قالىپتاستىرۋ جانە ناسيحاتتاۋ، العاشقى كومەك كورسەتۋ بويىنشا وقىتۋ سەمينارلارىن، ترەنينگتەر مەن دارىستەر ۇيىمداستىرۋ جانە وتكىزۋ؛
- ءبىلىم بەرۋ جانە ءتۇسىندىرۋ ءىس-شارالارىن وتكىزۋمەن اتا-انالار مەن پەداگوگتەردى وقۋشىلاردىڭ دەنساۋلىعىن ساقتاۋعا تارتۋ؛
- جەدەل مەديسينالىق كومەك كورسەتەتىن مەديسينا قىزمەتكەرلەرى كەلگەنگە دەيىن كەزەك كۇتتىرمەيتىن جاعدايلاردا العاشقى كومەك كورسەتۋ بولىپ تابىلادى.
مەديسينالىق پۋنكتتە وقۋشىلارعا مەديسينالىق كومەكتى «پەدياتريا»، «جالپى دارىگەرلىك پراكتيكا» ماماندىعى بويىنشا دارىگەرلەر (مەكتەپ دارىگەرى)، كەڭەيتىلگەن پراكتيكا مەيىرگەرى، جالپى پراكتيكا مەيىرگەرى، ۋچاسكەلىك مەيىرگەر، مامانداندىرىلعان مەيىرگەر، ءبىلىم بەرۋ ۇيىمدارىنداعى مەديسينالىق پۋنكت مەيىرگەرى، «مەكتەپ مەديسيناسىنداعى مەيىرگەر ءىسى» ماماندىعى بويىنشا مەيىرگەر (مەكتەپ مەيىرگەرى) كورسەتەدى.
وقۋشىلاردى جوسپارلى ديسپانسەرلەۋدى، ەمدەۋدى جانە (نەمەسە) اۋرۋى بويىنشا وڭالتۋدى ولار بەكىتىلگەن مساك ۇيىمىنىڭ جالپى پراكتيكا دارىگەرلەرى، ۋچاسكەلىك پەدياترلار، بەيىندى ماماندار، فەلدشەرلەر مەن مەيىرگەرلەر جۇزەگە اسىرادى.
مەكتەپ دارىگەرى مىنانداي فۋنكسيالاردى جۇزەگە اسىرادى:
- مەكتەپ جاسىنداعى بالالاردىڭ دەنساۋلىعىن ساقتاۋ جانە نىعايتۋ جونىندەگى ءىس-شارالاردى جوسپارلايدى؛
- پروفيلاكتيكالىق مەديسينالىق تەكسەرىپ-قاراۋ جۇرگىزۋ كەستەسىن جاسايدى جانە ونىڭ ىسكە اسىرىلۋىن قامتاماسىز ەتەدى؛
- وقۋشىلاردى پروفيلاكتيكالىق مەديسينالىق تەكسەرۋدەن وتكىزۋگە قاتىسادى؛
- پروفيلاكتيكالىق مەديسينالىق تەكسەرىپ-قاراۋ ناتيجەلەرى بويىنشا ۋاقتىلى ديسپانسەرلەۋدى باقىلاۋدى جۇزەگە اسىرادى؛
- پروفيلاكتيكالىق مەديسينالىق تەكسەرىپ-قاراۋ ناتيجەلەرى بويىنشا دەنساۋلىق توپتارىنا سايكەس 1 جانە 2 دەنساۋلىق توبىنداعى وقۋشىلاردى نەگىزگى دەنە شىنىقتىرۋ توبىنا، 3 جانە 4 دەنساۋلىق توبىنداعى وقۋشىلاردى ارنايى مەديسينالىق دەنە شىنىقتىرۋ توبىنا ايقىندايدى؛
- ارنايى مەديسينالىق توپقا بەلگىلەنگەن وقۋشىلاردىڭ ءتىزىمىن ورتا ءبىلىم بەرۋ ۇيىمىنا ۇسىنادى؛
- ءبىلىم الۋشىلارعا، پەداگوگ جانە تەحنيكالىق پەرسونالعا ءجىتى جانە سوزىلمالى اۋرۋلار، جاراقاتتار (ستاسيونارعا دەيىنگى كەزەك كۇتتىرمەيتىن كومەك، تىركەلگەن جەرى بويىنشا مەديسينالىق ۇيىمعا جىبەرۋ، «جەدەل» كومەك بريگاداسىن شاقىرۋ) جاعدايلارىندا كەزەك كۇتتىرمەيتىن مەديسينالىق كومەك كورسەتەدى.
مەكتەپ وقۋشىلارىن پروفيلاكتيكالىق تەكسەرۋدەن وتكىزۋدى، وقۋشىلارمەن جانە ولاردىڭ زاڭدى وكىلدەرىمەن ءتۇسىندىرۋ جۇمىستارىن جۇرگىزۋدى قوسپاعاندا، ءبىلىم بەرۋ ۇيىمىنىڭ مەديسينالىق پۋنكتىندە مەكتەپ دارىگەرىنىڭ تۇراقتى قاتىسۋى تالاپ ەتىلمەيدى.
مەكتەپ مەيىرگەرى مىنانداي فۋنكسيالاردى جۇزەگە اسىرادى:
- پروفيلاكتيكالىق مەديسينالىق قاراپ-تەكسەرۋ جۇرگىزۋ ءۇشىن وقۋشىلاردىڭ نىسانالى توپتارىنىڭ ءتىزىمىن جاسايدى؛
- جوسپارلى، ماۋسىمدىق نەمەسە ەپيدەميالىق كورسەتىلىمدەر بويىنشا كەيىننەن ەگىلگەندەردى باقىلاي وتىرىپ، وقۋشىلارعا ۆاكسيناسيالاۋ جۇرگىزۋدى قامتاماسىز ەتەدى؛
- ءبىلىم الۋشىلارعا، پەداگوگ جانە تەحنيكالىق پەرسونالعا ءجىتى جانە سوزىلمالى اۋرۋلار، جاراقاتتار (دارىگەرگە دەيىنگى كەزەك كۇتتىرمەيتىن كومەك، تىركەلگەن جەرى بويىنشا مەديسينالىق ۇيىمعا جىبەرۋ، «جەدەل» كومەك بريگاداسىن شاقىرۋ) جاعدايلارىندا كەزەك كۇتتىرمەيتىن مەديسينالىق كومەك كورسەتەدى؛
- مساك ۇيىمىنىڭ سالاۋاتتى ءومىر سالتى مامانىمەن بىرلەسىپ سالاۋاتتى ءومىر سالتىن ناسيحاتتاۋ جانە قالىپتاستىرۋ جونىندەگى ءىس-شارالاردى جۇزەگە اسىرادى؛
- ءبىلىم بەرۋ ۇيىمدارىنىڭ پسيحولوگتارى جانە الەۋمەتتىك پەداگوگتەرى بىرلەسىپ، پسيحيكالىق دەنساۋلىقتى ساقتاۋ، تەمەكى بۇيىمدارىن تۇتىنۋدان، پسيحيكاعا بەلسەندى اسەر ەتەتىن زاتتاردى مەديسينالىق ەمەس ماقساتتا تۇتىنۋدان، سونداي-اق قۇمار ويىندارعا پاتولوگيالىق ەلىگۋدەن تۋىنداعان سۋيسيدتىك مىنەز-قۇلىق پەن تاۋەلدىلىكتىڭ پروفيلاكتيكاسى بويىنشا جۇمىستارعا قاتىسادى؛
- ءبىلىم بەرۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتار ەسكەرە وتىرىپ، تاربيەلەنۋشىلەر مەن وقۋشىلاردى ءبولىپ وتىرعىزۋدى باقىلاۋدى قامتاماسىز ەتەدى.
شۇعىل كورسەتىلىمدەر بولعان جاعدايدا نەمەسە مەكتەپ وقۋشىلارىنىڭ ومىرىنە ءقاۋىپ تونگەن كەزدە مەديسينالىق كومەك اتا-انالارىنىڭ (زاڭدى وكىلدەرىنىڭ) كەلىسىمىنسىز، كورسەتىلگەن مەديسينالىق كومەك تۋرالى اتا-انالاردى (زاڭدى وكىلدەرىن) كەيىننەن مىندەتتى تۇردە حاباردار ەتە وتىرىپ كورسەتىلەدى.