جانىبەك ءالىمحان ۇلى العاش رەت چەمپيوندىق تيتۋلىن قورعايدى.
كاسىپقوي بوكستا جەڭىلىپ كورمەگەن جانىبەك ءالىمحان ۇلى گەنناديي گولوۆكين مەن ساۋل الۆارەستىڭ جەكپە-جەگىنەن كەيىن مالىمدەمە جاسادى، دەپ حابارلايدى Almaty-akshamy.kz.
«ءبىز بارمىز، اعايىن! Qazaq style بار! ەڭسەلەرىڭىزدى تۇسىرمەڭىزدەر! الەمدىك ارەنادا تالاي مىقتىلاردى قۇلاتىپ، كوك تۋدى جەلبىرەتەمىز، بۇيىرتسا! ءبىز ەشكىمنەن قورىقپايمىز! بىزدەن قورقادى! ءبىز ءقاۋىپتى قارسىلاسپىز! بوكستاعى مەنمىن دەپ جۇرگەندەر بىزبەن شىقپاس ءۇشىن ءالى تالاي سىلتاۋ ايتادى! ءبىز ءوز جولىمىزدى سالدىق. ءوز ءستيلىمىزدى جاھانعا كورسەتتىك! ورتا سالماقتىڭ چەمپيونى بولدىق. بۇيىرتسا، قاراشا ايىندا العاش رەت چەمپيوندىق تيتۋلىمىزدى قورعايمىز! جەڭىستى كۇندە جولىعايىق!» - دەپ جازدى جانبەك فەيسبۋكتەگى پاراقشاسىندا.
ەسكە سالايىق، جانىبەك ءالىمحان ۇلى لاس-ۆەگاستا وتكەن جەكپە-جەكتى ارنايى بارىپ تاماشالاعان.