ق ر ءبىلىم جانە عىلىم ءمينيسترى اسحات ايماعامبەتوۆ وسىلاي دەدى.
رەسپۋبليكامىزدا 7500 مەكتەپ جۇمىس ىستەيدى جانە دالاداعى دارەتحانا ماسەلەسى 50 مەكتەپتە بار، دەپ حابارلايدى Almaty-akshamy.kz ءمينيستردىڭ سوزىنە سىلتەمە جاساپ.
«ەكى جىل بۇرىن ەلدەگى 2700 مەكتەپتىڭ دارەتحاناسى دالادا ورنالاسقان ەدى. جالپى، مەكتەپتەرىمىزدىڭ سانى 7500 ەكەنىن ەسكەرسەك، بۇل وتە ۇلكەن پايىز. ەكى جىلدا كۇردەلى جۇمىستار جۇرگىزىلدى، قازىرگى ۋاقىتتا 50-گە جۋىق كوشە دارەتحانالارى قالدى. بۇل ۇلكەن پروگرەسس. دەگەنمەن، بۇل وتە قيىن جۇمىس، ويتكەنى سول 2700 مەكتەپتىڭ كوپشىلىگىندە كارىز دە، سۋمەن جابدىقتاۋ دا بولعان جوق. اسىرەسە، بۇل ورتالىقتاندىرىلعان كارىزى جوق، سۋى جوق اۋىلدىق ەلدى مەكەندەر ەدى»، - دەدى اسحات ايماعامبەتوۆ
ءمينيستردىڭ ايتۋىنشا، كەلەسى وقۋ جىلى باستالعانشا اكىمدىكتەر 50 مەكتەپتەگى دارەتحانا ماسەلەسىن تولىق شەشۋگە بەكىنىپ وتىر.
«جۇمىس ىستەپ تۇرعان سانيتارلىق توراپتاردا دا بۇزۋشىلىقتاردىڭ ەكى ءتۇرى كەزدەسەدى: ءبىرىنشىسى – ءبىز جۇرگىزگەن تەكسەرۋلەر دارەتحانالار بار ۋاقىتتا جۇمىس ىستەمەيتىنىن كورسەتەدى. سوندىقتان سانيتارلىق قىزمەتتەر ولارعا قاتتى ايىپپۇل سالادى. ەكىنشى ماسەلە – قالا مەكتەپتەرىندەگى سانيتارلىق توراپتاردىڭ جاعدايى»، - دەپ اتاپ ءوتتى مينيستر.
ا. ايماعامبەتوۆ مەكتەپ دارەتحانالارىنىڭ جاي-كۇيى تۋرالى حابارلاۋعا بولاتىن «جەدەل جەلىنى» ىسكە قوساتىنىن ايتتى.
«بالالاردىڭ قۇقىقتارىن قورعاۋ كوميتەتى دە ۇكىمەتتىك ەمەس ۇيىمدارمەن بىرگە سەنىم تەلەفونىن ىسكە قوسادى، بۇل Whatsapp جانە Telegram كانالىندا بولادى، ويتكەنى بالالارعا وسىلاي ىڭعايلى. بۇل كوپتەگەن ادامدار اقپارات جىبەرە الاتىنداي كراۋدسورسينگ سياقتى جاسالادى. وعان بالالار، اتا-انالار جانە مۇعالىمدەر فوتوسۋرەتتى جىبەرە الادى. تيىسىنشە، سانيتارلىق-ەپيدەميولوگيالىق قىزمەتتەر مەن ءبىزدىڭ كوميتەت وسىنداي بۇزۋشىلىقتار بولعان جاعدايدا باقىلاۋ جاسايدى»، - دەدى اسحات ايماعامبەتوۆ.