بۇگىن – قۇرلىق اسكەرلەرى كۇنى

21 ساۋىردە قازاقستان قۇرلىق اسكەرلەرىنىڭ قۇرىلعانىنا 29 جىل تولدى.

قازاقستاننىڭ قارۋلى كۇشتەرىندە قۇرلىق اسكەرلەرى كۇنى اتاپ وتىلۋدە، دەپ حابارلايدى Almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

قارۋلى كۇشتەردىڭ اتالعان اۋقىمدى اسكەر ءتۇرى ەل پرەزيدەنتىنىڭ جارلىعىمەن 1993 جىلى ساۋىردە بۇرىنعى ورتا ازيا اسكەري وكرۋگىنىڭ 40-شى جالپى اسكەري ارمياسىنىڭ نەگىزىندە قۇرىلعان بولاتىن. قازىرگى ۋاقىتتا قۇرلىق اسكەرلەرىنىڭ قۇرامىنا ءتورت ايماقتىق قولباسشىلىق پەن دەسانتتىق-شابۋىلداۋ اسكەرلەرى كىرەدى. 

«قازاقستان قارۋلى كۇشتەرىنىڭ نەگىزى سانالاتىن قۇرلىق اسكەرلەرىنىڭ باس قولباسشىسى رەتىندە اسكەرىمىز باستى وزگەرىستەر مەن قايتا قۇرۋ جولىنان ءوتىپ، قۇرىلىمى مەن كۇندەلىكتى تىرشىلىك ارەكەتى قالىپتاسقان وڭتايلى تەڭگەرىمگە قول جەتكىزدى دەپ ايتا الامىن»، - دەدى گەنەرال-مايور تالعات قويباقوۆ.

قارۋلى كۇشتەردىڭ بۇل اسكەر ءتۇرىنىڭ نەگىزگى مىندەتتەرى – اگرەسسياعا تويتارىس بەرۋ ءۇشىن اسكەرلەردىڭ جاۋىنگەرلىك ازىرلىگىن قولداۋ، قازاقستان رەسپۋبليكاسىنىڭ اۋماقتىق تۇتاستىعى مەن ەگەمەندىگىن قارۋمەن قورعاۋ، مەملەكەتتىك جانە اسكەري وبەكتىلەردى كۇزەتۋ جانە قورعاۋ، قۇرلىقتا مەملەكەتتىك شەكارانى قورعاۋ، سونداي-اق بىتىمگەرشىلىك مىندەتتەردى ورىنداۋ.