مەكتەپ بىتىرۋشىلەر «قازاقستان تاريحى» پانىنەن ەمتيحاندى اۋىزشا تاپسىرادى

بيىل 11-سىنىپ وقۋشىلارى قازاقستان تاريحى پانىنەن ەمتيحاندى اۋىزشا فورماتتا تاپسىرادى.

بۇل تۋرالى ق ر ءبىلىم جانە عىلىمي ۆيسە-مينيسترى شولپان كارينوۆا ايتتى، دەپ حابارلايدى Amaty-akshamy.kz 

«جىلداعى داستۇرگە سايكەس بيىل دا مەكتەپ تۇلەكتەرى 5 پاننەن ەمتيحان تاپسىرادى. ەمتيحان پاندەرى جانە تاپسىرمالاردىڭ مازمۇنىنا قاتىستى ەشقانداي وزگەرىس جوق. بارلىعى دا مەكتەپ باعدارلاماسى اياسىندا. بيىل مەكتەپ تۇلەكتەرى قازاقستان تاريحىنان ەمتيحاندى اۋىزشا تاپسىرادى. بۇل ماسەلە سوڭعى جىلدارى ءجيى تالقىلانىپ كەلەدى. تاريح ءپانى مۇعالىمدەرى ءۇشىن بۇل جاڭاشىلدىق ەمەس،»– دەدى شولپان كارينوۆا مينيسترلىكتە وتكەن تىكەلەي ەفير بارىسىندا.

ۆيسە-مينيستردىڭ مالىمدەۋىنشە، قازاقستان تاريحى پانىنەن ەمتيحاندى اۋىزشا تاپسىرۋعا قاتىستى مينيسترلىككە بىرنەشە رەت ۇسىنىس كەلىپ تۇسكەن.

«ەمتيحاننىڭ فورماتى عانا وزگەرىپ وتىر. اۋىزشا، جازباشا، تەست بولسىن ەمتيحان تاپسىرمالارى وقۋ باعدارلاماسىنىڭ اياسىندا ازىرلەنەدى. سىرتتان، قوسىمشا تاپسىرما بولمايدى. ونىڭ ۇستىنە قازاقستان تاريحى پانىنەن ەمتيحاندى اۋىزشا، ياعني بيلەت ارقىلى تاپسىرۋ بۇعان دەيىن بار تاجىريبە»، – دەيدى ول.