قازاقستان اۋماعىندا 16 278 شەتەلدىك ازامات جەرگىلىكتى اتقارۋشى ورگاننىڭ رۇقساتىمەن ەڭبەك ەتىپ ءجۇر.
شەتەلدىك جۇمىس كۇشىن تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 639 رۇقسات (ءبىرىنشى سانات)، قۇرىلىمدىق بولىمشەلەردىڭ باسشىلارى ءۇشىن 3 150 رۇقسات (ەكىنشى سانات). تارتىلعان جۇمىس كۇشى نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولار 8 115 جانە 825 ادام، دەپ حابارلايدى Almaty-akshamy.kz قازاقپاراتقا سىلتەمە جاساپ.
سونداي-اق ماۋسىمدىق جۇمىستارعا 1 197 ادام، ال كورپوراتيۆتىك اۋىستىرۋ اياسىندا 2 352 ادام تارتىلدى. قازىرگى ۋاقىتتا قازاقستاندا شجك پايدالاناتىن 1 683 جۇمىس بەرۋشى بار. وندا 429 مىڭنان استام قازاقستان ازاماتتارى جۇمىس ىستەيدى، بۇل قىزمەتكەرلەردىڭ جالپى سانىنىڭ 96%-ىن قۇرايدى.
ەڭبەك ميگرانتتارى كەلەتىن نەگىزگى ەلدەر: جۇڭگو – 3 685 ادام، تۇركيا – 1 977 ادام، ءۇندىستان – 1 268 ادام، وزبەكستان – 1 195 ادام، سەربيا – 1 109 ادام.
ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەلدىك مامانداردى تارتۋعا كۆوتا بەلگىلەيدى جانە بولەدى. وسى جىلعى قاڭتاردا ءىرى وتاندىق بيزنەس وكىلدەرىمەن كەزدەسۋ قورىتىندىسى بويىنشا مەملەكەت باسشىسىنىڭ بەرگەن تاپسىرماسىن ورىنداۋ ءۇشىن مينيسترلىك شەتەلدىك جۇمىس كۇشىن تارتۋعا ارنالعان كۆوتانى بۇرىن جوسپارلانعان 28 352-دەن 23 560-قا دەيىن، ياعني 4 792 ادامعا (16%) قىسقارتتى.