بۇگىن الماتىدا ۇلى جەڭىستىڭ 79 جىلدىعىنا وراي 15 مامىرعا دەيىن جالعاساتىن ايلىق باستالدى.
بارلىق ۇوس ارداگەرلەرى جانە ولارعا تەڭەستىرىلگەندەر ءۇشىن چەك-اپ وتكىزىلىپ، دەنساۋلىق ماسەلەلەرىن انىقتاۋ ءۇشىن بارلىق زەرتحانالىق زەرتتەۋمەن كەشەندى تەكسەرۋ جۇرگىزىلەدى، قاجەت بولعان جاعدايدا مامانداندىرىلعان اۋرۋحانالاردا ەمدەلۋگە، وڭالتۋعا جانە اتاپ ايتقاندا، كومپيۋتەرلىك توموگرافيا، مرت، ۋدز، ەلەكتروكارديوگرافيا سياقتى قىمبات تەكسەرۋلەرگە جولداما بەرىلەدى. سونداي-اق پاسيەنتتەرمەن پسيحولوگتار مەن الەۋمەتتىك قىزمەتكەرلەر جۇمىس ىستەيدى.
سونىمەن قاتار، دارى-دارمەكتى ۇيگە جەتكىزۋ جۇزەگە اسىرىلادى.
ءجۇرىپ-تۇرۋى قيىن ناۋقاستارعا ىڭعايلى بولۋ ءۇشىن كوپبەيىندى بريگادالاردىڭ ءۇي جاعدايىندا مەديسينالىق قىزمەت كورسەتۋى قاراستىرىلعان. جوعارى تەحنولوگيالىق جابدىقتى پايدالانا وتىرىپ، تەرەڭدەتىلگەن تەكسەرۋ قاجەت بولسا، ارداگەرلەر ءتيىستى مەديسينالىق ۇيىمدارعا جەتكىزىلەدى.
ناۋقاندى وتكىزۋ ءۇشىن ءار ەمحانا ارداگەرلەرگە بارۋ كەستەسىن ازىرلەدى.
ونىڭ ۇستىنە ناۋقان اياسىندا مەديسينا قىزمەتكەرلەرى ارداگەرلەردى قۇتتىقتاپ، ولارعا جىلۋلىق پەن قامقورلىق كورسەتۋ ماقساتىندا ازىق-تۇلىك سەبەتىن تابىستايدى.
بۇگىندە الماتىدا 43 ۇوس ارداگەرى مەن ولارعا تەڭەستىرىلگەن ازامات تۇرادى.