اقش ىشكى ىستەر مينيسترلىگى مەكسيكا شىعاناعىنىڭ اتاۋىن رەسمي تۇردە امەريكا شىعاناعى دەپ وزگەرتۋ تۋرالى شەشىم قابىلدادى. بۇل جاڭالىق مينيسترلىكتىڭ رەسمي سايتىندا جاريالانىپ، ونىڭ ەل ەكونوميكاسى مەن ۇلتتىق قاۋىپسىزدىگى ءۇشىن ماڭىزدىلىعى باسا ايتىلدى، دەپ حابارلايدى aqshamnews.kz
مينيسترلىك مالىمەتىنشە، بۇل سۋ جولى اقش-تىڭ ساۋدا، ەنەرگەتيكا جانە تەڭىز ونەركاسىبىنىڭ ستراتەگيالىق بولىگى سانالادى. شىعاناق جاعالاۋلارى مۇناي جانە تابيعي گاز ءوندىرىسى، سونداي-اق، ءىرى پورتتار ارقىلى حالىقارالىق ساۋدا اعىنى ءۇشىن ەرەكشە ماڭىزعا يە. اتاۋدى وزگەرتۋ اقش-تىڭ وسى ايماقتاعى باسىمدىعىن كورسەتۋ جانە شىعاناقتىڭ ەل مۇددەسىنە سايكەس كەلەتىنىن اتاپ ءوتۋ ماقساتىندا جۇزەگە اسىرىلعان.
بۇل شەشىمگە قاتىستى ءارتۇرلى پىكىرلەر ايتىلۋدا. ءبىرقاتار ساراپشىلار مۇنداي اتاۋ وزگەرتۋ مەكسيكامەن تاريحي جانە گەوگرافيالىق بايلانىستاردى ەلەمەۋگە اكەلۋى مۇمكىن دەگەن الاڭداۋشىلىق ءبىلدىردى. دەگەنمەن، اقش بيلىگى شىعاناقتىڭ جاڭا اتاۋى ونىڭ ەل ءۇشىن ەكونوميكالىق جانە ستراتەگيالىق ماڭىزدىلىعىن كورسەتۋگە باعىتتالعان دەپ وتىر.