امەريكالىق ەر ادام ارتىق ماي مەن ىرىمشىك تۇتىنعاننان دەنساۋلىعىنا زيان كەلتىردى، دەپ حابارلايدى aqshamnews.kz
فلوريدا شتاتىنىڭ 40 جاستاعى تۇرعىنى سەگىز اي بويى نەگىزىنەن ىرىمشىك، سارى ماي جانە مايلى ەتكە نەگىزدەلگەن ديەتانى ۇستانعان. كۇندەلىكتى ول 4 كيلوگرامعا دەيىن ىرىمشىك جەپ، تازا سارى مايدى تۇتىنعان جانە تاعامىنا كوپ مولشەردە ماي قوسقان.
باستاپقىدا مۇنداي ديەتا وعان سالماق تاستاۋعا، ەنەرگيا دەڭگەيىن ارتتىرۋعا جانە شوعىرلانۋدى جاقسارتۋعا كومەكتەسكەن. الايدا ءبىراز ۋاقىتتان كەيىن ول الاقانىندا، تابانىندا جانە شىنتاعىندا سارعىش ءتۇستى تۇيىندەر پايدا بولعانىن بايقاعان.
دارىگەرلەر ونىڭ حولەستەرين دەڭگەيىنىڭ 1000 مگ/دل-عا جەتكەنىن انىقتادى، بۇل قالىپتى نورمادان بەس ەسە جوعارى. بۇل جاعداي گيپەرحولەستەرينەميانىڭ اۋىر تۇرىنە الىپ كەلىپ، ونىڭ قان تامىرلارىنان ماي ءبولىنىپ، تەرىسىندە ءليپيدتى قاباتتار پايدا بولۋىنا سەبەپ بولعان.