قتج اي سايىن 1 ملن توننادان استام استىق تاسىمالدايدى
قازاقستاندىق تەمىرجولشىلار 2022 جىلعى قازاننان 2023 جىلعى قاڭتارعا دەيىن 4،3 ملن توننادان استام استىق تاسىمالدادى. اي سايىن ءبىر ميلليون توننادان استاس جاڭادان جينالعان استىق تيەلدى، دەپ حابارلايدى Almaty-akshamy.kz.
قتج باسپا ءسوز قىزمەتىنىڭ مالىمەتىنشە، 2022 جىلدىڭ قازان ايىندا استىق تيەۋ كولەمى 1 ملن توننانى قۇراسا، بۇل 2021 جىلدىڭ ۇقساس كەزەڭى كورسەتكىشىنەن 26%-كە ارتىق، قاراشادا – 1،1 ملن توننا (+ 39%)، جەلتوقساندا-1،2 ملن توننا (+33%). 2023 جىلعى قاڭتاردا تاعى 1 ملن توننا تيەۋ قامتاماسىز ەتىلسە، بۇل وتكەن جىلدىڭ سايكەس ايىمەن سالىستىرعاندا 22% ارتىق.
قازاقستاندىق استىق ءداستۇرلى تۇردە ەلدىڭ سولتۇستىك وڭىرلەرىنەن ورتالىق ازيا ەلدەرىنە، قىتايعا جەتكىزىلەدى. تۇرىكمەنستانعا استىق ەكسپورتى 56%، اۋعانستانعا – 30%، وزبەكستانعا – 8%، ال تاجىكستانعا 10% ءوستى. قحر-عا وتاندىق ءونىم ەكسپورتى ەكى ەسە ءوستى.
سونىمەن قاتار سوڭعى بەس جىلدا رەسەيدەن تەمىر جول كولىگىمەن ەلگە استىق اكەلۋ ۇلعايدى: 2022 جىلى 100 مىڭ توننادان 1،5 ملن تونناعا دەيىن، بۇل قازاقستان اۋماعى ارقىلى ءۇشىنشى ەلدەرگە ودان ءارى ەكسپورتتاۋ ماقساتىندا رەسەي استىعىنىڭ "سۇر" يمپورتىنىڭ بار ەكەندىگىن كورسەتەدى.
تەمىر جول كولىگىندە ۇن تيەۋ 2022 جىلعى قازان – 2023 جىلعى قاڭتار ارالىعىندا 1،2 ملن توننانى قۇرادى. قازان ايىندا 2021 جىلعى دەڭگەيگە قاراعاندا 313 مىڭ توننا (+32%)، قاراشادا - 343 مىڭ توننا (+28%)، جەلتوقساندا - 313 مىڭ توننا (+19%) تاسىمالداندى. 2023 جىلدىڭ قاڭتارىندا ۇن تيەۋ 19% ءوسىپ، 245 مىڭ توننانى قۇرادى. وزبەكستانعا ۇن ەكسپورتى 39%، اۋعانستانعا – 56%، تۇرىكمەنستانعا – 6% ارتتى.
قازىرگى ۋاقىتتا نەگىزگى سۇرانىسقا يە ەكسپورتتىق باعىت سارىاعاش ماتپ ارقىلى ورتالىق ازيا ەلدەرى بولىپ تابىلادى. بۇگىندە ستانسيا ءوزىنىڭ تەحنيكالىق مۇمكىندىكتەرىنىڭ شەگىندە جۇمىس ىستەۋدە. وتكىزۋ قابىلەتىن ارتتىرۋ ءۇشىن جانە سارىاعاش ارقىلى تاسىمالداۋعا سۇرانىستىڭ ارتۋىن ەسكەرە وتىرىپ، 2023 جىلى داربازا – ماقتاارال تارماعىنىڭ قۇرىلىسىن باستاۋ جوسپارلانۋدا.
سونىمەن قاتار وازيس شەكارالىق وتكەلدەرى ارقىلى وزبەكستانعا جانە ودان ءارى، بولاشاق ارقىلى تۇرىكمەنستانعا، ودان ءارى اقتاۋ پورتى مەن تەرمينالدارى جانە ودان ءارى يرانعا وتەتىن باعىتتار جۇكتەلمەگەن جانە پەرسپەكتيۆالى بولىپ قالا بەرەدى.
2023 جىلعى اقپانعا جۇك جونەلتۋشىلەردىڭ استىق جۇكتەرىن تاسىمالداۋعا ارنالعان نەگىزگى جوسپارى كەلىسىلدى.
قتج ورتالىق اپپاراتىندا جانە ەلدىڭ نەگىزگى استىق-تيەۋ جانە استىق وڭدەۋ وڭىرلەرىندە تاۋلىك بويعى رەجيمدە جەدەل شتابتار جۇمىس ىستەيدى. كۇن سايىن جۇك جونەلتۋشىلەردىڭ، وڭىرلىك «اتامەكەن» ۇكپ، اۋىل شارۋاشىلىعى مينيسترلىگى باسقارمالارى مەن ينسپەكسيالارىنىڭ، «استىق ترانس» اق وكىلدەرىنىڭ جانە باسقالاردىڭ قاتىسۋىمەن سەلەكتورلىق كەڭەستەر وتكىزىلەدى. ۆاگونداردى بەرۋ جانە جيناۋ ماسەلەلەرى بويىنشا اقپاراتتى جەدەل قابىلداۋ ءۇشىن چاتقا ەكسپورتتاۋشى كومپانيالاردىڭ 400-دەن استام وكىلى ەنگىزىلدى.
كوكشەتاۋ جانە قوستاناي ستانسيالارىندا ۆاگونداردى ءبولۋدىڭ اشىقتىعى ءۇشىن قوعامدىق كەڭەستەر قۇرىلىپ، ءبولۋ كەزىندە وتىنىمدەردى بەرۋ كەزەكتىلىگى ەسكەرىلەدى. جۇك جونەلتۋشىلەرگە ىڭعايلى بولۋ ءۇشىن تاۋار كاسسالارى تاۋلىك بويى جۇمىس رەجيمىنە اۋىستىرىلدى. ۆاگونداردى بەرۋ مەن جيناۋدى جەدەلدەتۋ ءۇشىن تارماق يەلەرىنىڭ مانيەۆرلىك لوكوموتيۆتەرىنىڭ ستانسيا جولدارىنا شىعۋ ءراسىمى جەڭىلدەتىلدى. قوسىمشا ماگيسترالدىق لوكوموتيۆتەر استىق وڭىرلەرىنە كوشىرىلدى.