چەحيانىڭ موست قالاسىندا «U Kojota» مەيرامحاناسىندا كۇشتى جارىلىس بولدى، ناتيجەسىندە التى ادام قازا تاپتى، تاعى سەگىز ادام جاراقات الدى، دەپ حابارلايدى aqshamnews.kz.
وقيعا تۇنگى 23:00 شاماسىندا بولعان. بۇل ۋاقىتتا مەيرامحانانىڭ اسحانا بولىگى جابىلعان ەكەن. ءبىراق رەستورانعا كەلۋشىلەر تولىعىمەن شىعىپ ۇلگەرمەگەن.
چەحيانىڭ ءورت قىزمەتىنىڭ الەۋمەتتىك جەلىدە جاريالاعان مالىمدەمەسىنە سايكەس، كەلەڭسىز وقيعانىڭ سەبەبى گاز باللونىنىڭ جارىلۋى بولعان. مۇندا گاز باللوندى جىلىتقىش ءۇشىن پايدالانعان. جارىلىس ناتيجەسىندە ءورت شىققان.
ورتسوندىرۋشىلەر وتتى سوندىرگەننەن كەيىن، قۇتقارۋشىلار قيراعان عيماراتتىڭ استىنان التى ادامنىڭ دەنەسىن تاپتى. جارالانعان سەگىز ادامنىڭ التاۋى اۋىر حالدە بولعان، ولار پراگا اۋرۋحانالارىنا جەتكىزىلدى. پوليسيا وقيعانىڭ سەبەپتەرىن انىقتاۋ ءۇشىن تەرگەۋ جۇرگىزۋدە.
چەحيانىڭ ىشكى ىستەر ءمينيسترى ۆيت راكۋشان اتاپ وتكەندەي، ورتسوندىرۋشىلەر مەيرامحانادان جانە وعان جاقىن ورنالاسقان تۇرعىن ۇيدەن شامامەن 30 ادامدى قۇتقارىپ قالعان.