اقش-تا بۇرىنعى UFC چەمپيونى حابيب نۇرماعامبەتوۆ بورتسەرىكپەن سوزگە كەلىپ قالعانى ءۇشىن رەيستەن ءتۇسىرىلدى، دەپ حابارلايدى aqshamnews.kz.
Essentially Sports مالىمەتىنشە، American Airline اۋە كومپانياسىنا تيەسىلى ۇشاقتىڭ ۇشار الدىندا بورتسەرىك توتەنشە جاعدايدا شىعاتىن ورىن ماڭايىنا جايعاسقان حابيبتەن باسقا جەرگە اۋىسۋىن وتىنگەن. نۇرماعامبەتوۆ بۇدان باس تارتقان، سودان كەيىن بورتسەرىك اۋە كومپانياسى قىزمەتكەرىن شاقىرعان. ال ول ءوز كەزەگىندە اقىرىندا سپورتشىنى رەيستەن شىعارىپ تىنعان.
الەۋمەتتىك جەلىدە جاريالانعان ۆيدەودا بورتسەرىك قىز نۇرماعامبەتوۆقا اپاتتىق جاعدايدا شىعۋ ەسىگى ماڭىنا وتىرعىزۋعا رۇقسات بەرە المايتىنىن ءتۇسىندىرىپ، ءوزىن تىڭداماعان جاعدايدا رەيستەن شىعاراتىنىن ايتادى.
"بۇل ادىلەتسىزدىك قوي. مەن اندا-مىندا اۋىسىپ جۇرە المايمىن"، – دەپ جاۋاپ بەردى سپورتشى.