سوندىقتان ولارعا جۇمىس بارىسىندا جىلدام رەاكسيا، ۇقىپتىلىق، ىزگىلىك، ۇيىمشىلدىق، سترەسسكە توزىمدىلىك سياقتى داعدىلار مەن جەكە قاسيەتتەر اۋاداي قاجەت.
كارديولوگيا جانە ىشكى اۋرۋلار عزي باسقارما ءتوراعاسى مارات پاشيموۆتىڭ ايتۋىنشا، دارىگەردىڭ جۇمىسىن مەيىرگەرسىز ەلەستەتۋ قيىن. ولاردىڭ موينىندا – دارىگەردىڭ بارلىق تاعايىنداۋىن قاتاڭ ورىنداۋ، پاسيەنتتەرگە كۇتىم جاساۋ جانە ولارعا بىلىكتى كومەك كورسەتۋ. ولاردىڭ پاسيەنتتەردى ەمدەۋدەگى ءرولى دە اسا زور.
«مەيىرگەرلەر ۇنەمى ءبىلىمىن جەتىلدىرىپ وتىرۋى كەرەك. جاڭا ءبىلىمدى يگەرە وتىرىپ، ولار ءوز جۇمىستارىن ساپالى ءارى ءتيىمدى ورىنداي الادى. ءبىز جىل سايىن مەيىرگەرلەرىمىزدى وقۋعا جىبەرەمىز. مىسالى، بيىل عانا كارديوحيرۋرگيا بولىمشەسىنىڭ اعا مەيىرگەرى، وپەراسيالىق مەيىرگەر جانە انەستەزيست مەيىرگەر جاقىن جانە الىس شەتەلدەردىڭ جەتەكشى مەديسينالىق ورتالىقتارىمەن ىنتىماقتاستىق اياسىندا كاۋناس قالاسىنداعى ليتۆا دەنساۋلىق عىلىمدارى ۋنيۆەرسيتەتىنىڭ اۋرۋحاناسىندا تاعىلىمدامادان ءوتتى. باسقالارى استانا قالاسىنداعى ۇلتتىق عىلىمي كارديوحيرۋرگيالىق ورتالىقتا LVAD كەيىن پاسيەنتتەردى وپەراسيادان كەيىنگى باقىلاۋ، قدسجم قازاقستان مەديسينا ۋنيۆەرسيتەتىندە قازىرگى جاعدايدا مەيىربيكە ءىسىن ۇيىمداستىرۋ بويىنشا بىلىمدەرىن جەتىلدىردى»، – دەيدى كارديولوگيا جانە ىشكى اۋرۋلار عزي باسقارما ءتوراعاسى مارات پاشيموۆ.
ىنتىماقتاستىق تۋرالى مەموراندۋم شەڭبەرىندە عزي ءۇشىن «سۋنچونحيان» ۋنيۆەرسيتەتتىك مەديسينالىق ورتالىعىمەن (وڭتۇستىك كورەيا، پۋچون ق.)، National Hospital Organization Nagasaki Medical Cەnter، پيزا ۋنيۆەرسيتەتىنىڭ ديپلومنان كەيىنگى ءبىلىم بەرۋ كارديولوگيا ينستيتۋتىمەن (يتاليا) جانە باسقا دا الەمدىك ورتالىقتارمەن مەديسينا قىزمەتكەرلەرى ءۇشىن كاسىبي تاعىلىمدامالار ۇيىمداستىرۋ، مامانداردىڭ بىلىكتىلىگىن ارتتىرۋ تۋرالى كەلىسىمگە قول جەتكىزىلدى.
ناتيجەسىندە قانشاما مەيىربيكەنىڭ كاسىبي شەبەرلىگى، مەيىرىمدى جۇرەگىنىڭ ارقاسىندا تالاي ادام اۋرۋىنان ساۋىعىپ، وتباسىنا ورالۋدا. وسى ورايدا مارات ورىنباسار ۇلى بۇگىنگى مەرەكەدە ايدانا سىزدىقوۆا (كارديولوگيا بولىمشەسى)، اديليام مۋسايەۆا (قابىلداۋ بولىمشەسى)، وكسانا لاكيسوۆا (رەانيماسيا بولىمشەسى)، حالمۋرات سىدىقوۆ (ساۋلەلىك دياگنوستيكا بولىمشەسى)، گۇلبانۋ ءابدال (كارديوحيرۋرگيا بولىمشەسىنىڭ وپەراسيالىق مەيىرگەرى) سىندى ابىرويلى ارىپتەستەرىن ەرەكەشە اتاپ ءوتتى. مەيىرگەر ماماندىعى ءاردايىم ترەندتە.