الماتىدا "قايىرىمدىق كۇنى" كونسەرتتەرىمەن، كورمەلەرىمەن جانە قايىرىمدىلىق اكسيالارىمەن اتاپ ءوتىلدى
ناۋرىزنامانىڭ ونكۇندىگى اياسىندا 2024 جىلدىڭ 15 ناۋرىزىندا "قايىرىمدىق كۇنى" كۇنىنە وراي "قامقور” الەۋمەتتىك ءۇيى" كمم-دە "مەيىرىمدىلىك جانە تاتۋ كورشىلىك" قايىرىمدىلىق كونسەرتى ءوتتى، دەپ حابارلايدى almaty-akshamy.kz
"الماتى اۋەندەرى" كمقك الماتى اكىمى وركەسترىنىڭ ورىنداۋىنداعى مۋزىكالىق كومپوزيسيالار قارتتاردىڭ كوڭىل-كۇيىن كوتەردى.
سونداي-اق، بۇل كۇنى "ايالا" الەۋمەتتىك قىزمەتتەر ورتالىعى" كمم-دە ءىس-شارا ءوتتى. كونسەرتتىك باعدارلاما ۇسىنىلدى، سودان كەيىن بالالارعا ءتاتتى سىيلىقتار تاراتىلدى.
سونداي-اق، "مادەنيەت جانە ۇلتتىق ءسالت-داستۇر كۇنى" كۇنىنە ارنالعان ورتالىقتىڭ شىعارماشىلىق جۇمىستارىنىڭ كورمەسى ۇيىمداستىرىلدى. وعان كەلگەن قوناقتاردى ۇسىنىلعان شىعارماشىلىق جۇمىستاردىڭ سۇلۋلىعى مەن تەرەڭدىگى تاڭ قالدىردى، ولاردىڭ ءارقايسىسى ەرەكشە بولدى.
"قايىرىمدىلىق كۇنى" قۇرمەتىنە “شاپاعات” الەۋمەتتىك قىزمەتتەر ورتالىعى" كمم-دە سالتاناتتى ءىس-شارا ءوتتى. Amanat پارتياسىنىڭ قاتىسۋىمەن "سيقىرلى ساندىق" قايىرىمدىلىق اكسياسى وتكىزىلدى، ونىڭ اياسىندا ەرەكشە قاجەتتىلىكتەرى بار بالالارعا ويىنشىقتار سىيعا تارتىلدى. بۇل يگى ءداستۇر كىشكەنتاي تاربيەلەنۋشىلەرگە جاقسىلىققا سەنۋگە جانە ناۋرىز قارساڭىندا ولارعا قۋانىش اكەلۋگە كومەكتەسۋگە ارنالعان.
"شاڭىراق" الەۋمەتتىك قىزمەتتەر ورتالىعى" كمم-دە وسى كۇنى ەگدە جاستاعى قىزمەت الۋشىلاردىڭ شىعارماشىلىق دارالىعىن دامىتۋعا باعىتتالعان "جاڭا شامدار" بايقاۋى تۇرىندەگى سالتاناتتى ءىس-شارا ءوتتى. بايقاۋدىڭ باستى ماقساتى – ورتالىقتىڭ قوناقتارى مەن قىزمەتكەرلەرىن بىرلىككە، مەيىرىمدىلىككە، دوستىققا جانە مۇقتاج جاندارعا كومەك كورسەتۋگە شاقىرۋ.
ەسكە سالساق، پرەزيدەنت قاسىم-جومارت توقايەۆتىڭ تاپسىرماسىنا سايكەس قازاقستاندا جىل سايىن 14-23 ناۋرىز ارالىعىندا وتكىزىلەتىن ناۋرىزنامانىڭ ونكۇندىگى جاريالاندى. ال 15 ناۋرىزعا باستالاتىن قايىرمالدىق كۇنى بۇكىل ەل بويىنشا قايىرىمدىلىققا جانە تاتۋ كورشىلىككە ارنالدى. وسىنداي اكسيالار مەن ءىس-شارالاردى وتكىزۋ قوعامعا قايىرىمدىلىق مادەنيەتىن سىڭىرۋگە، جاناشىرلىق پەن ءوزارا كومەك قۇندىلىقتارىن قالىپتاستىرۋعا مۇمكىندىك بەرەدى.
