جول سالاتىن 2 جانە ودان دا كوپ وتاندىق كومپانيالاردان كونسورسيۋم قۇرىلادى. بۇل تۋرالى كولىك مينيسترلىگىنەن ءمالىم ەتتى، دەپ حابارلايدى اlmaty-akshamy.kz.
«بىزدە اۆتوموبيل جولدارىنىڭ قۇرىلىسى حالىقارالىق قارجى ينستيتۋتتارىنىڭ قارىزدارى ەسەبىنەن، رەسپۋبليكالىق بيۋدجەتتەن جانە جەكە ينۆەستورلاردىڭ قاراجاتىنا جۇزەگە اسىرىلادى. قارىز ارقىلى جۇزەگە اسىرىلاتىن جوبالاردى كوپ جاعدايدا شەتەلدىك كومپانيالار جەڭەتىنىن مويىندايمىز. ايتا كەتۋ كەرەك، بۇل جاعىنان تالاپتار وتە جوعارى. ياعني، وتاندىق كومپانيالار ءاردايىم وسى جوعارى تالاپتارعا (قارجىلىق اينالىم، تاجىريبە، تەحنيكامەن جابدىقتاۋ جانە مامانداردىڭ كاسىبيلىگى) جاۋاپ بەرە المايدى. سونداي-اق، حالىقارالىق قارجى ينستيتۋتتارى جول قۇرىلىسىنا مەردىگەرلىك ۇيىمداردى ايقىنداۋ كەزىندە ولاردىڭ ەرەجەلەرى مەن تالاپتارىنا سايكەس كونكۋرستار وتكىزەدى»، - دەپ اتاپ وتەدى مينيسترلىكتەن اگەنتتىكتىڭ ساۋالىنا وراي.
ۆەدومستۆونىڭ اتاپ وتۋىنشە، وسى ماسەلەنى تۇپكىلىكتى شەشۋ ءۇشىن قازاقستان ۇكىمەتى قاۋىمداستىقتاردىڭ كومەگىمەن حالىقارالىق كونكۋرستاردىڭ شارتتارى بويىنشا وتاندىق كومپانيالارعا بىرنەشە ءتۇسىندىرۋ جۇمىستارىن جۇرگىزدى.
«بۇدان باسقا، ءبىزدىڭ شارتتارىمىزعا سايكەس حالىقارالىق قارجى ينستيتۋتتارىمەن كونكۋرسقا قاتىسۋ ءۇشىن بىلىكتىلىك تالاپتارىن وڭايلاتۋ بويىنشا كەلىسسوزدەر كوزدەلگەن. سونىمەن قاتار 2 جانە ودان دا كوپ وتاندىق كومپانيالاردان قۇرىلعان كونسورسيۋمداردى قالىپتاستىرۋ جوسپارلانعان. وسى شارانىڭ ارقاسىندا وتاندىق كومپانيالاردىڭ دەڭگەيى شەتەلدىك كومپانيالارمەن باسەكەلەسە الادى. مۇنان بولەك، شەتەلدىك كومپانيالار ءۇشىن وتاندىق كومپانيالاردى قوسالقى مەردىگەرلىك جۇمىسقا تارتۋ جونىندەگى تالاپتار كۇشەيتىلەتىن بولادى. قورىتىندىلاي كەلە، وتاندىق كومپانيالاردىڭ تاجىريبەسىن ەسكەرە وتىرىپ، بولاشاقتا ولار ءىرى اۆتوجول جوبالارىن ىسكە اسىرۋعا دايىن دەپ سانايمىز»، - دەپ اتاپ وتەدى كولىك مينيسترلىگى.