مەگاپوليستى ديزەلدىك وتىنمەن قامتاماسىز ەتۋ ماسەلەسى ەرەكشە باقىلاۋدا

تۇراقتى مونيتورينگ جۇرگىزىلۋدە

قازىرگى ۋاقىتتا الماتى قالاسىنىڭ اكىمدىگى قازاقستان رەسپۋبليكاسىنىڭ ەنەرگەتيكا مينيسترلىگىمەن بىرلەسىپ ءىرى جانارماي قۇيۋ ستانسيالارىنىڭ جەلىلەرىنە ءۇش قازاقستاندىق مۇناي وڭدەۋ زاۋىتتارىنان (پاۆلودار، اتىراۋ، شىمكەنت) ديزەلدىك وتىننىڭ ۇزدىكسىز جەتكىزىلۋىن قامتاماسىز ەتۋدە كومەك كورسەتۋدە، دەپ حابارلايدى Almaty-akshamy.kz.

الماتى قالاسىنىڭ كاسىپكەرلىك جانە ينۆەستيسيالار باسقارماسى كوتەرمە جەتكىزۋشىلەرمەن بىرلەسىپ، تۇرعىنداردى قاجەتتى كولەمدە ديزەلدىك وتىنمەن قامتاماسىز ەتۋ ماسەلەسىن پىسىقتاۋدا. دۇربەلەڭدى بولدىرماۋ ماقساتىندا مۇناي بازالارى مەن جانارماي قۇيۋ بەكەتتەرىندەگى ديزەلدىك وتىننىڭ كەلىسىم-شارتتىق كولەمدەرىنىڭ قورلارىنا تۇراقتى مونيتورينگ جۇرگىزىلۋدە، جول بويىندا ديزەلدىك وتىنمەن قامتاماسىز ەتۋدە ىركىلىستەردى بولدىرماۋ ءۇشىن «قتج» ۇك» اق-مەن كەلىسۋ ورناتىلعان. مەگاپوليستى ديزەلدىك وتىنمەن قامتاماسىز ەتۋ ماسەلەسى ەرەكشە باقىلاۋدا.

ايتا كەتسەك، قالادا تۇتىنۋ كولەمىنىڭ ءوسۋى باسقا ايماقتاردان كەلەتىن اۋىر ترانزيتتىك كولىك يەلەرىنىڭ ديزەلدىك وتىنعا سۇرانىسىنىڭ ارتۋىنا بايلانىستى.
  
انىقتاما:

الماتىدا 220 جانارماي قۇيۋ بەكەتى جۇمىس ىستەيدى، ونىڭ 80 پايىزى التى ءىرى جەلىگە (قازمۇنايگاز، گەليوس، Royal Petrol، Sinooil، PetrolAsia، گازپرومنەفت) تيەسىلى.