كونسەرتكە شەتەلدىڭ ونەر يەلەرى دە قاتىستى.
«الماتىم - التىن بەسىگىم» اتتى كونسەرتتە سلاۆيان بازارىنىڭ جەڭىمپازدارى، تانىمال كۇيشىلەر مەن جاس انشىلەر ونەر كورسەتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
مادەنيەت وشاعى - الماتىدا ونەرپازدار قالا كۇنىنە ارنالعان ىستىق لەبىزى مەن ماحابباتىن انمەن جەتكىزدى. الاتاۋ ءداستۇرلى ونەر تەاترىنىڭ ساحناسىندا قازاقتىڭ قىزىل ارشا دومبىراسى كۇمبىرلەپ، كۇمىس كومەي انشىلەر مەن مىڭ بۇرالعان بيشىلەر ونەر كورسەتىپ، مەرەكەلىك كوڭىل-كۇي سىيلادى.
«الماتىم - التىن بەسىگىم» اتتى كونسەرتتە سلاۆيان بازارىنىڭ جەڭىمپازدارى، تانىمال كۇيشىلەر مەن جاس انشىلەر ونەر كورسەتتى. مەرەكەلىك شاراعا اتسالىسقاندار بارشا قالا تۇرعىنىن ەگەمەندىكتىڭ 30 جىلدىعىمەن قاتار قالا كۇنىمەن قۇتتىقتادى.
«سۇيىكتى قالامىز الماتىنىڭ تۋعان كۇنى! بارلىق الماتىلىقتاردى وسى مەرەكەمەن شىن جۇرەكتەن قۇتتىقتايمىن. ومىرلەرىڭىزدە ءساتتى، شۋاقتى كۇندەر كوپ بولسىن دەگەن تىلەك ايتامىن. امان بولايىق، ەڭ باستىسى، اۋىرماڭىزدار»، - دەدى كۇيشى ايگۇل ۇلكەنبايەۆا.
«وسى مەنىڭ ەڭ سۇيىكتى قالامنىڭ ءبىرى - الماتى قالاسى. وڭتۇستىگىمىزدىڭ استاناسى وركەندەپ وسە بەرسىن! ونەر مەن ءبىلىم ورداسى بولا بەرسىن»، - دەدى ءانشى ەرنار سادىربايەۆ.
تاريحى تەرەڭ الماتى قالاسىنىڭ كۇنىنە ارنالعان كونسەرتكە شەتەلدىڭ ونەر يەلەرى دە قاتىستى. ولار الاش جۇرتىن مەرەكەمەن قۇتتىقتادى.
«بارشا الماتىلىقتاردى قالا كۇنىمەن قۇتتىقتايمىن! الماتى گۇلدەپ، جايناي بەرسىن!» - دەدى ەريەۆان قالاسى مەملەكەتتىك مادەنيەت جانە ونەر كوللەدجىنىڭ ديرەكتورى ۆرەج كيراكوسيان.
«ءبارى وتانعا، الماتى كۇنىنە بايلانىستى. مىسالى، الماتىنىڭ گ ۇلى مەن الماسىنا بايلانىستى كەش وتپەك. كەشتە «بوزتورعاي» بايقاۋىنىڭ جەڭىمپازدارى مەن كىشكەنتاي بالالار ونەر كورسەتەدى»، - دەدى مادەنيەت قايراتكەرى قارلىعاش ابدىكارىموۆا.
مەرەكەلىك كونسەرت قالاداعى ەپيدەميولوگيالىق احۋالعا بايلانىستى كورەرمەنسىز ءوتتى. كەشتىڭ تولىق نۇسقاسىن الماتى ارناسىنىڭ ەفيرىنەن كورە الاسىزدار.