الماتىدا از قامتىلعان 410 وتباسىعا مەكتەپ سومكەسى تابىستالدى.
الماتى قالالىق الەۋمەتتىك ءال-اۋقات باسقارماسى دەمەۋشىنىڭ قولداۋىمەن 410 از قامتىلعان وتباسىعا مەكتەپ سومكەسىن تابىستادى. وقۋ جىلى قارساڭىندا بالالارعا مەكتەپ فورماسى مەن وقۋ قۇرالدارى تاراتىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ال، جۇزىنە كۇلكى ۇيىرىلگەن وقۋشىلار مەن اتا-انالار شارا ۇيىمداستىرۋشىلارىنا العىسىن جاۋدىرىپ جاتىر. ايتا كەتۋ كەرەك، باسقارما تاراپىنان مۇنداي قايىرىمدىلىق ءىس-شارالارى ءجيى وتكىزىلەدى. بۇگىندە كوپ بالالى انالاردىڭ ءوزى دە ءتۇرلى الەۋمەتتىك ءىس-شارالارعا بەلسەنە قاتىسادى.
«بىرىنشىدەن، اتا-انالارىمىزدى قۋانتىپ جاتىرمىز. ەكىنشىدەن، كىشكەنتاي بالاپاندارىمىزدى قۋانتىپ جاتىرمىز. الەۋمەتتىك ءال-اۋقات باسقارماسىندا ءبىر ايدا ءبىر رەت وسىنداي ءىس-شارالار وتكىزىلىپ جاتىر. جىلدىڭ باسىنان باستاپ 1280 وتباسىعا ءبىز كومەكتەستىك»، – دەدى قالالىق الەۋمەتتىك ءال-اۋقات باسقارماسىنىڭ باسشىسى ءنازيرا توعىزبايەۆا.
«ءبىر بالامىزعا بولسىن قول ۇشىن بەرگەنىنە ريزامىز. ويتكەنى ءتورت بالانى مەكتەپكە دايىنداۋ مىنا زاماندا وتە قيىن بولىپ تۇر. ءبىزدىڭ ءبىر جاعىمىزعا شىعىستى دەپ ويلايمىن»، – دەدى كوپ بالالى انا باعلان ءجۇمادىلوۆا.