قالاداعى كۆي بويىنشا ەپيدەميولوگيالىق جاعداي كۇردەلى.
الماتى قالاسىنداعى كۆي بويىنشا ەپيدەميولوگيالىق جاعداي قاۋىرت، ەپيدەميولوگيالىق جاعدايدى باعالاۋ ماتريساسىندا قالا قىزىل ايماقتا بولۋىن جالعاستىرۋدا، دەپ حابارلايدى Almaty-akshamy.kz.
بۇل تۋرالى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين بريفينگتە الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين ايتتى.
باس سانيتاردىڭ ايتۋىنشا، تامىز ايىنىڭ 27-نە دەيىن كۆي-دىڭ 39،2 مىڭنان استام جاعدايى تىركەلگەن، بۇل جىل باسىنان بەرى 121،2 مىڭ جاعدايدىڭ 32%-ىن قۇرايدى.
«23 تامىزدان باستاپ كۆي-دىڭ تاۋلىكتىك ءوسىمى 1،1% (پايىز) دەڭگەيىندە قالىپ وتىر، بۇل قوعامداعى ناۋقاستاردان ينفەكسيانىڭ ءالى دە جوعارى بەرىلۋىن كورسەتەدى-R سانى (جۇقتىرۋ يندەكسى) 1،02 قۇرايدى (1 ناۋقاستان 1 قارىم قاتىناستا بولعان ادامعا جۇقتىرادى). «سيمپتومدىق» ناۋقاستاردىڭ ۇلەس سالماعىنىڭ ارتۋى جالعاسۋدا - سوڭعى اپتادا الدىڭعىمەن سالىستىرعاندا 94،2%-دان 95%-عا دەيىن ءوستى»، - دەيدى بەكشين.
جيىن بارىسىندا ول الماتى قالاسى حالقىنىڭ يممۋندىق قاباتى 42%-دى قۇراعانىن جەتكىزدى.