بۇل رەتتە پوليسيا، قۇقىق بۇزۋشىلىق جاساعانى ءۇشىن شامامەن 3 مىڭ 500 ادام اكىمشىلىك جاۋاپكەرشىلىككە تارتىلعان.
شاھاردا قوعامدىق ءتارتىپتى ساقتاۋعا، كوشەدە جانە باسقا دا قوعامدىق ورىنداردا قىلمىستاردىڭ الدىن الۋعا جانە جولىن كەسۋگە باعىتتالعان «قۇقىقتىق ءتارتىپ» جالپىرەسپۋبليكالىق جەدەل الدىن الۋ ءىس-شاراسى وتۋدە، دەپ حابارلايدى Almaty-akshamy.kz الماتى قالالىق پوليسيا دەپارتامەنتى باسپا ءسوز قىزمەتىنە سىلتەمە جاساپ.
«بۇل كۇندەرى الماتىداعى پوليسيا قىزمەتى مەن بولىمشەلەرىنىڭ جەكە قۇرامى كۇشەيتىلگەن قىزمەت رەجيمىنە اۋىستىرىلدى. ءار اۋداننىڭ پوليسيا باسقارمالارىندا اۋىسىممەن كۇردەلى جانە كەشەندى كۇشتەردىڭ بىركەلكى ساپتۇزەۋى جۇزەگە اسىرىلادى، وندا كومانديرلەر ولارعا ۋچاسكەنىڭ قازىرگى قىلمىستىق جاعدايى تۋرالى حابارلاۋى، اشىلماعان قىلمىستارعا باعىت-باعدار بەرۋى، سونىمەن قاتار، ولاردىڭ ادەتتە كوشەدە جانە قوعامدىق ورىنداردا جاسالاتىن اكىمشىلىك قۇقىق بۇزۋشىلىقتاردى انىقتاۋ جانە الدىن الۋ مىندەتتەرىن قويادى. ايتپاقشى، الدىڭعى قاتارداعى جانە جەدەل بولىمشەلەردىڭ كۇشتەرىمەن «ءىزىن سۋىتپاي» 98 قىلمىستى جانە بۇرىن جاسالعان 51 قىلمىستى اشتى. ولاردىڭ ىشىندە - قاراقشىلىق، بۇزاقىلىق، ەسىرتكى ساتۋ، بوتەننىڭ مۇلكىن ۇرلاۋ، الاياقتىق، سۋىق قارۋ مەن اتىس قارۋىن زاڭسىز ساقتاۋ فاكتىلەرى جانە ت.ب. بار. سونداي-اق، ىزدەۋدە بولعان 16 ادام ۇستالدى»، - دەدى، الماتى قالاسى پد جەرگىلىكتى پوليسيا قىزمەتى باسقارماسىنىڭ باستىعى، پوليسيا پولكوۆنيگى ماناپ ساتتاروۆ.
بۇل رەتتە پوليسيا، قۇقىق بۇزۋشىلىق جاساعانى ءۇشىن شامامەن 3 مىڭ 500 ادام اكىمشىلىك جاۋاپكەرشىلىككە تارتىلعانىن حابارلادى. ولاردىڭ ىشىندە ءجيى كەزدەسەتىنى - ۇساق بۇزاقىلىق جانە قوعامدىق ورىنداردا ىشىمدىك ءىشۋ.
«وسى ءىس-شارا اياسىندا تۇرعىن القاپقا اۋلا بويىنشا ارالاۋ جۇرگىزىلۋدە. 1 مىڭ 378 ءۇي، سونىمەن قاتار جالعا بەرىلەتىن 2 مىڭعا جۋىق پاتەر تەكسەرىلدى. سونىمەن قاتار، ءجاى كەزىندە جەرگىلىكتى پوليسيا قىزمەتى، تىركەلگەن جانە بۇرىن سوتتالعان ازاماتتاردى، ال يۋۆەنالدى پوليسيا قولايسىز وتباسىلاردى مىندەتتى تۇردە تەكسەرەدى. بۇل جۇمىستاردىڭ بارلىعى رەسپۋبليكانىڭ ەڭ ءىرى شاھارىنداعى قىلمىستىق احۋالدى ايتارلىقتاي جاقسارتادى، سونىمەن قاتار كەز كەلگەن سيپاتتاعى زاڭسىز ارەكەتتەردىڭ الدىن الادى»، - دەپ تۇيىندەدى، پولكوۆنيك ساتتاروۆ.