الماتىدا از قامتىلعان جانە كوپبالالى وتباسىلار ايكۇنە گيمناستيكاسىنا قاتىسا باستادى.
الماتىداعى ناۋرىزباي اۋداندىق «باقىتتى وتباسى» الەۋمەتتىك ورتالىعىندا از قامتىلعان جانە كوپبالالى 45 وتباسىنا ايكۇنە گيمناستيكاسىنا قاتىسۋ ءۇشىن 2 ميلليون تەڭگە تابىستالدى. ەندى ءار وتباسىنىڭ ءبىر مۇشەسى 10 كۇننەن تۇراتىن ساباققا قاتىسا الادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
قايىرىمدى شاراعا مۇرىندىق بولعان ورتالىق باسشىلىعى ەڭبەك ەتۋگە نيەتتى ءار اناعا قول ۇشىن سوزۋعا دايىن ەكەنىن جەتكىزدى. ال، شارا بارىسىندا جينالعاندارعا ايكۇنەدەن شەبەرلىك ساعاتى وتكىزىلىپ، جينالعاندار وزدەرىن تولعاندىرعان سۇراقتارعا جاۋاپ الدى.
«ورتامىزدا وسىنداي شارالار كوبىرەك بولا بەرسىن. كوپبالالى انالارىمىزعا وسىنداي اكسيا ارقىلى دەنساۋلىعىن جاقسارتاتىن گيمناستيكا بولسىن»، – دەدى ناۋرىزباي اۋداندىق «باقىتتى وتباسى» الەۋمەتتىك ورتالىعىنىڭ پسيحولوگى نۇرجامال سۋەسىنوۆا.