تۇرعىندار تولىقتاي ۆاكسينا الىپ، قاتەرلى دەرتتى توقتاتۋعا ءوز ۇلەستەرىن قوسۋدا.
الماتى وبلىسىندا ەسكەلدى اۋدانىندا ءبىر اۋىلدىڭ تۇرعىندارى 100 پايىز ەكپە الدى، - دەپ حابارلايدى Almaty-akshamy.kz قازاقپارات-قا سىلتەمە جاساپ.
قوڭىر اۋىلدىق وكرۋگىنىڭ تۇرعىندارى تولىقتاي كوروناۆيرۋسقا قارسى ەكپە الدى. بۇل جەردە 1050 ادام تۇرادى. 80-گە جۋىق تۇرعىن دەنساۋلىق جاعدايىنا بايلانىستى ەكپە سالدىرۋدان بوساتىلعان. تاعى 400ء-ى، كامەلەت جاسقا تولماعان بالالار. ال، قالعان 570 اۋىل تۇرعىنى، COVID-19-عا قارسى تولىقتاي ۆاكسينا الىپ، قاتەرلى دەرتتى توقتاتۋعا ءوز ۇلەستەرىن قوسۋدا. اۋىل مۇعالىمدەرى دە ەكپەنى تولىقتاي الدى. ولار وقۋ جىلىن ءساتتى باستاپ كەتتى. قوڭىر اۋىلىنداعى ورتا مەكتەپتە 210 وقۋشى ءبىلىم الىپ، 75 ءمۇعالىم قىزمەت ەتەدى. جالپى ايتقاندا، وقۋ ورنى جەتكىلىكتى كولەمدە جەكە قورعاۋ قۇرالدارىمەن قامتاماسىز ەتىلگەن. كۇندەلىكتى، كابينەتتەردە دەزينفەكسيا جۇرگىزىلىپ، ساباقتاردا بالالار الەۋمەتتىك قاشىقتىقتى ساقتاي وتىرىپ، بەتپەردە كيىپ وتىرادى. جالپى، ەسكەلدى اۋدانى بويىنشا 23600 ادام ۆاكسيناسيالاۋعا جارامدى، ونىڭ 13600ء-ى كوروناۆيرۋستىق ينفەكسياعا قارسى ەكپەنى تولىقتاي الدى. بۇگىنگى كۇنگە، تۇرعىنداردىڭ 57 پايىزى ۆاكسيناسيالانعان. حالىقتى ۆاكسينالاۋ ءۇشىن قارابۇلاق، الدابەرگەنوۆ، اقىن سارا جانە باقتىباي اۋىلدارىندا 4 ەكپە كابينەتى جۇمىس ىستەۋدە. قوسىمشا ءبىر جىلجىمالى مەديسينالىق كەشەن قىزمەت ەتەدى. قاجەت بولعان جاعدايدا، اۋداننىڭ باسقا اۋىلدارىندادا قوسىمشا 6 ەگۋ كابينەتىن اشۋعا مۇمكىندىك بار.
ەستەرىڭىزگە سالا كەتسەك، وسىدان ەكى اپتا بۇرىن ەسكەلدى اۋدانىنىڭ جالعىزاعاش اۋىلدىق وكرۋگىنىڭ تۇرعىندارى كوروناۆيرۋسقا قارسى ەكپەنى تولىقتاي العان بولاتىن. ايتا كەتەيىك، بۇگىنگى كۇنى وبلىستا ۆاكسينانىى ءبىرىنشى بولىگىن 678 876 ادام سالدىردى، ال ەكىنشى كومپونەنتتى 559 368 تۇرعىن قابىلدادى. سوڭعى تاۋلىكتە، وبلىس بويىنشا كوروناۆيرۋسقا شالدىعۋدىڭ 282 جاعدايى تىركەلدى. ىندەتتى ءوسۋ قارقىنى- 0،6% قۇراپ وتىر.