الماتى قالاسىنىڭ اكىمى باقىتجان ساعىنتايەۆ مەگاپوليس ەكونوميكاسىن، كاسىپكەرلىكتى دامىتۋدى، شوب وكىلدەرىنە قولداۋ كورسەتۋدى جانە مىڭداعان جۇمىس ورنى قۇرىلاتىن يندۋستريالدى ايماقتىڭ ماڭىزدىلىعىن ۇنەمى اتاپ وتەدى.
الماتى – كاسىپكەرلىكتىڭ قازانى قايناعان مۇمكىندىكتەر قالاسى. مۇندا ءىرى ونەركاسىپتەن باستاپ، شاعىن جانە ورتا بيزنەستىڭ ءتۇرلى نىساندارى شوعىرلانعان. وڭتۇستىك استانانىڭ يندۋستريالىق اۋماعىندا جىل سوڭىنا دەيىن 823 جۇمىس ورنىن قۇرايتىن 40،3 ملرد. تەڭگەگە 9 جوبا ىسكە اساتىن بولادى. اسىرەسە، قازاقستاندىق ءونىم شىعارۋشى كومپانيالارعا ءتۇرلى جەڭىلدىكتەر قاراستىرىلعان. مىسالى، 2019 جىلى «دامۋ» قورىنىڭ ءداستۇرلى وندىرۋشىلەر كورمەسىنە قاتىسقان «RISMI group» كومپانياسى - قازىرگى تاڭدا قازاقستان اۋماعىندا اەروزول ونىمدەرىن شىعاراتىن جالعىز كاسىپورىن. بولاشاقتا ولار اۆتوكولىك باعىتى بويىنشا تاۋار پوزيسيالارىنىڭ 30-دان استام اتاۋىن شىعارۋدى جوسپارلاۋدا. ءقازىردىڭ وزىندە تاۋارلاردىڭ 17 ءتۇرى شىعارىلادى، قالعان 13 پوزيسيا 2021 جىلدىڭ سوڭىنا دەيىن وڭدەلەتىن بولادى.
ىندەت پەن مىندەت
قانداي بيزنەس ءتۇرى بولماسىن، تاۋەكەلدەر ورىن الماي قويمايدى. اسىرەسە، بۇكىل ەلىمىز بويىنشا توتەنشە جاعدايدىڭ جاريالانۋى قاراپايىم ادامدارعا عانا ەمەس، بيزنەس نىساندارىنا دا ۇلكەن سوققى بولدى. تۇتىنۋشىلار قاۋىمى تەك جەكە تۇلعالاردان تۇراتىن جاس كومپانيا دا بۇل تىعىرىقتان شىعاتىن جولداردى ىزدەۋ قيىنعا سوققانىن ايتادى. ءتىپتى، قىزمەتكەرلەردى تاراتۋعا تۋرا كەلگەن، ءبىراق باسشىلىق ەشكىمدى جۇمىستان شىعارماعان. ايتەۋىر، ءبىر ايدان كەيىن ءوندىرىستى جالعاستىرۋعا رۇقسات بەرىلىپ، بۇرىنعى جۇمىس رەجيمى قالىپقا كەلگەن. سونداي-اق، ءوندىرىس الماتى قالاسىنان 50 شاقىرىم جەردە ورنالاسقاندىقتان، قىزمەتكەرلەردى تاسىمالداۋ ءۇشىن جولاۋشىلار "گازەلى" ساتىپ الىندى، كارانتيندىك شارالارعا سايكەس جۇمىس ورىندارى دايىندالدى.
ءوندىرىس قارقىنى
ءقازىر كومپانيانىڭ بالانسىندا اەروزول ونىمدەرىن شىعاراتىن ءۇش جەلى بار، ۇشەۋى دە تولىقتاي ىسكە قوسىلعان. ءبىر جەلىنىڭ قۋاتتىلىعى – ءبىر تۇردەگى ءونىمنىڭ 3000 داناسى. ءوندىرىس مەنشىگىندەگى زاۋىتتا 50-دەن استام ادام جۇمىس ىستەيدى. بارلىق قىزمەتكەرلەر ءقاۋىپتى كومپونەنتتەرمەن جۇمىس ىستەۋ ءۇشىن ارنايى وقىتۋدان وتكەن، ونى دالەلدەيتىن كۋالىكتەرى بار. جالپى، ساتىلىمعا ۇسىنىلاتىن تاۋارلاردىڭ اراسىندا اەروزول ونىمدەرىنىڭ 25 پوزيسياسى، 20 ەرىتكىش جانە 20-دان استام اۆتوپارفيۋم تۇرلەرى بار. قازاقستان حالقى تاۋاردى كەز كەلگەن قالادان ساتىپ الا الادى. سونداي-اق، ءونىمدى تاراتۋ اۋدانى جىل ساناپ ۇلعايۋدا. رەسەي مەن تمد ءقازىردىڭ وزىندە ءبىزدىڭ الماتى ماڭىندا شىعارىلعان وتاندىق تاۋاردى پايدالانۋدا.
اتالعان كومپانيادا 10-نان استام جەتكىزۋشى بار. ولاردىڭ ىشىندە ءبىراز سەرىكتەس كومپانيالارمەن ون جىلدان استام ۋاقىت بىرلەسكەن جۇمىستار جۇرگىزىلۋدە. مىسالى، رەسەيلىكتەردەن جوعارىدا اتالعان ونىمدەردى دايىنداۋدا اسا قاجەتتى حيميا الىنادى ەكەن. ال قىتايدان حيميانىڭ ءبىر بولىگى، نەگىزىنەن جابدىقتار مەن بۇرىككىش بوتەلكەلەر اكەلىنەدى.
تەحنولوگيالىق ءۇردىس فورمۋلاسى
كومپانيا اۋدانى 2350 شارشى مەتر بولاتىن اەروزول ونىمدەرىن شىعاراتىن ءوز زاۋىتىن ىسكە قوسقانى بۇعان دەيىن دە حابارلانعان بولاتىن. ونىڭ ىشىنە اكىمشىلىك عيمارات، وندىرىسكە ارنالعان 3 سەح پەن شيكىزات پەن دايىن ونىمگە ارنالعان بىرنەشە قويما، سونىمەن قاتار، قوسپالارعا ارنالعان بىرنەشە رەزەرۆۋارلار ورناتىلعان. ءونىمدى ازىرلەۋمەن كومپانيا ديرەكتورىنىڭ ءوزى اينالىسادى، ونىڭ وزىندىك ءونىم جاساۋ تەحنولوگياسى بار. ج ش س ستاندارتى بويىنشا، ديرەكتور بارلىق ساندار مەن پروپورسيالاردى وندىرىسكە تەحنولوگقا بەرەدى، ول ءوز كەزەگىندە سىناق دانالارىن جاساپ، ءونىمدى سىنايدى، تالداۋ جۇرگىزەدى. بارلىق سىناقتاردان وتكەننەن كەيىن عانا تەحنولوگيالىق پروسەستىڭ فورمۋلاسىن ديرەكتور بەكىتەدى. ەگەر سىناق بارىسىندا قانداي دا ءبىر وزگەرىستەر بولسا، اقپارات ديرەكتورعا جىبەرىلەدى. ءوز كەزەگىندە وڭ وزگەرىستەردى باسشىلىق راستاعان جاعدايدا تەحنولوگيالىق پروسەسس ءارى قاراي جالعاسىپ، ءونىم وندىرىسكە جىبەرىلەدى.
قازاقستان نارىعىندا 15 جىل، ءوندىرۋشى رەتىندە 10 جىل ەڭبەك ەتىپ كەلە جاتقان بۇل ءوندىرىس وشاعى تاۋارلاردىڭ سان تۇرلىلىگىمەن، ەڭ باستىسى، قازاقستاندىق برەندتىڭ تانىلۋىنا ءوز ۇلەسىن قوسىپ جاتقان الماتىلىق بيزنەستىڭ الەۋەتىنىڭ بەينەسىنە اينالىپ وتىر. سوڭعى ۋاقىتتارى كومپانيا يمپورتتىق شيكىزاتتان تولىق باس تارتۋدى كوزدەپ وتىر. مۇنىڭ بارلىعى مەملەكەتتىك، جەرگىلىكتى بيلىك ورگاندارى مەن كاسىپكەرلەردىڭ ءوزارا تۇسىنىستىككە قۇرىلعان تىعىز جۇمىسىنىڭ ارقاسى.