توقتى (21 ناۋرىز – 20 ءساۋىر)
ومىرلىك ماقساتتارىڭىزدى ايقىنداپ، جوسپارلارىڭىز جازىلعان ءتىزىمدى جاڭارتاتىن كەز كەلدى. ورىندالماس ارمانداردى شەتكە ىسىرىڭىز. وسى تۇستا جاقىندارىڭىزدىڭ پىكىرىن دە ەسكەرگەنىڭىز ءجون. جاڭا قىمبات نارسە العىڭىز كەلىپ جۇرگەن سياقتى. ونىڭ ناتيجەسىنە قينالىپ ءجۇرىپ قول جەتكىزەسىز. ءسىزدىڭ ەسەبىڭىزدەن تاماقتانۋدى ءجون كورەتىن دوستارىڭىزدىڭ كەسىرىنەن قارجىلاي قيىندىققا تاپ بولاسىز. سۇيىكتىڭىزبەن كوپتەن بەرى ءسوزىڭىز جاراسپاي ءجۇر. سوندىقتان ونى كەزدەسۋگە شاقىرعانىڭىز ءجون.
تورپاق (21 ءساۋىر – 21 مامىر)
وسى اپتادا بەلسەندىلىكتى تومەندەتكەن ءجون. ويتكەنى، اسىعامىن دەپ قاتەلىك جىبەرۋىڭىز مۇمكىن. ۇيقىڭىزدى قاندىرىپ، جاقسىلاپ دەمالىپ الىڭىز. بولاشاققا جوسپار قۇرۋ بارىسىندا بىرنەشە نۇسقانى قاتار قويۋدى ۇمىتپاڭىز. ماقساتىڭىزدى وزگەرتەتىن جاعدايلارعا تاپ بولۋىڭىز مۇمكىن. قيال الەمىمەن قوش ايتىسىپ، شىنايى ءومىر ءسۇرۋدى ءجون كورەسىز.
ەگىزدەر (22 مامىر – 21 ماۋسىم)
اپتانىڭ العاشقى بولىگىندە باسىڭىزعا ءتۇرلى يدەيا ورالادى. مۇمكىندىكتەردىڭ كوپ بولاتىندىعى سونشالىق، اراسىندا تاڭداۋ جاساۋىڭىزعا تۋرا كەلەدى. سول كەزدە جاقىن ادامىڭىزدىڭ پىكىرىنە قۇلاق اسىڭىز. عاشىعىڭىز ءسىز كۇتكەندەي ارەكەتتەر جاسامايدى. تابىسپايسىزدار جانە ايىرىلىسپايسىزدار. ءبارىن ۋاقىت ەنشىسىنە قالدىراسىزدار.
شايان (22 ماۋسىم – 22 شىلدە)
ءبىر ساتكە كوزىڭىزدى جۇمىپ، جۇرەگىڭىزدىڭ ءدۇرسىلىن تىڭداپ كورىڭىز. ونى ەستي سالىسىمەن ءومىردىڭ اعىنىن، تىرشىلىكتىڭ قايناپ جاتقانىن سەزىنەسىز. ورىنداۋ مۇمكىندىگىڭىز بولمايتىندىقتان، ەشكىمگە ۋادە بەرمەڭىز. ءالىن بىلمەگەن الەك بولادى دەمەكشى، اتان تۇيەگە ءوزى كوتەرە الاتىن جۇكتى عانا ارتقان ءجون.
ارىستان (23 شىلدە – 23 تامىز)
بارلىعى ءسىزدىڭ قولىڭىزدا ەمەستىگىن مويىندايتىن ءسات كەلدى. وزگە ادامداردىڭ پىكىرىنە دە قۇلاق اسىپ، توپپەن جۇمىس ىستەپ جۇرگەندىگىڭىزدى ءتۇسىنىڭىز. ءوزىڭىزدى ۇسقىنسىزبىن دەپ ويلاپ ءجۇرسىز. الايدا، بۇل ويىڭىز قاتە. ودان دا سۇيىكتىڭىزدەن ءسىزدى نە ءۇشىن جاقسى كورەتىندىگىن سۇراڭىز.
بۇگىن سالاۋاتتى ءومىر سالتىن ۇستانىپ، تازا اۋادا كوپ جۇرۋىڭىزگە تۋرا كەلەدى.
بيكەش (24 تامىز – 22 قىركۇيەك)
جاقىن ادامىڭىزعا قۇپيانى ازىرگە ايتپاڭىز. ويتكەنى، ماتەريالدىق، رۋحاني قۇندىلىقتارعا بايلانىستى كوزقاراسىڭىز وزگەرۋى مۇمكىن. جانىڭىز جاڭا سەزىمگە قۇمارتۋدا. قالىپتى قارىم-قاتىناستان ەموسياعا بەرىلۋدى ءجون كورەسىز. جاڭا ادامدارمەن تانىسساڭىز دا، ولارمەن تاعدىرىڭىزدى بىرىكتىرۋگە اسىقپاڭىز.
تارازى (23 قىركۇيەك – 22 قازان)
زياندى ادەتتەرمەن كۇرەسىڭىز. سەبەبى، بۇگىن كەز كەلگەن قيىندىققا قارسى تۇرا الاتىنداي كۇش-قۋاتقا يە بولاسىز. جۇلدىزدار جاقسى ناتيجەگە ۋادە بەرەتىندىكتەن، ءىستى كەيىنگە قالدىرماڭىز.
سارىشايان (23 قازان – 21 قاراشا)
كوڭىل كوتەرىڭىز، قىدىرىڭىز، دەمالىڭىز. سۇيىكتى قالاڭىزدى ارالاۋعا اتتانىڭىز. كوڭىل قالاعان جاققا بارىپ كەلۋگە تاپتىرماس كۇن. جالعان رومانتيكاعا الدانىپ قالماڭىز. بۇگىن جاقسى تانىستىق بولۋى مۇمكىن. ءار تانىستىق ءوز نەسەبىمەن كەلەدى.
مەرگەن (22 قاراشا – 21 جەلتوقسان)
ماقساتىنا جەتپەسە تىنبايتىن جانعا اينالۋعا تىرىسىڭىز. ارمانىڭىزدىڭ ورىندالاتىندىعىنا وزگەدەن بۇرىن ءوزىڭىز سەنىڭىز. قاتەلىكتەرىڭىزدى تالداپ، العا قادام باسىڭىز. ءدال ءقازىر وزگەلەردىڭ دە ماقساتىن جۇزەگە اسىرۋعا كومەكتەسە الاسىز.
تاۋەشكى (22 جەلتوقسان – 20 قاڭتار)
قانداي جاعداي بولسا دا، كوڭىل كۇيىڭىز تۇسپەسىن. ارينە، جاساپ جۇرگەن ىستەرىڭىز ءسىز كۇتكەندەي ناتيجە اكەلمەۋى مۇمكىن. دەسە دە، وتكەن ىسكە وكىنگەننەن پايدا جوق. ءبىر قيىندىق ارتىنان ەكى قۋانىش جۇرەتىنىن ۇمىتپاڭىز.
سۋقۇيعىش (21 قاڭتار – 19 اقپان)
اپتا سوڭىندا ەڭبەگىڭىزدىڭ جەمىسىن جەيسىز. بويىڭىزداعى كۇش-قۋاتىڭىز سپورتپەن اينالىسۋعا دا، جاقسىلاپ كوڭىل كوتەرۋگە دە جەتەدى. الايدا، كۇدىكتى ىسپەن شۇعىلدانۋدىڭ قاجەتى جوق. سەبەبى، نارتاۋەكەلگە بارامىن دەپ قولىڭىزداعى باقىت قۇسىن ۇشىرىپ الۋىڭىز مۇمكىن.
بالىقتار (20 اقپان – 20 ناۋرىز)
اپتانىڭ العاشقى كۇندەرى كوپ ىسكە نۇكتە قويۋعا سەبەپشى بولادى. كوپ مۇمكىندىكتى جىبەرىپ العانىڭىز ءۇشىن وكىنبەڭىز. وتكەندى وزگەرتۋ قولىڭىزدان كەلمەسە دە، وعان دەگەن كوزقاراسىڭىزدى وزگەرتە الاسىز. اقىلدى ەمەس، جۇرەگىڭىزدى تىڭداڭىز. سوندا عانا جاڭا مۇمكىندىكتەرگە جول اشىلادى.