قازاقستان رەسپۋبليكاسى پرەزيدەنتى قاسىم-جومارت توقايەۆتىڭ 2022 جىلى الماتى قالاسىنىڭ اكىمدىگىنە قويعان باستى تاپسىرمالاردىڭ ءبىرى - «قاڭتار» وقيعالارى بارىسىندا قيراعان قالانىڭ ينفراقۇرىلىمى مەن ىسكەرلىكتى قالپىنا كەلتىرۋ بولاتىن.
وسىعان وراي، الماتى قالاسىنىڭ اكىمدىگى كەلەسى شارالاردى قابىلدادى:
- زارداپ شەككەن 1 640 كاسىپورىنعا 16،2 ملرد. تەڭگە زالال وتەلدى، ونىڭ 95% قىسقا مەرزىمدە تولەمدەر الدى.
- بارلىق جەكە تۇلعالارعا 615،3 ملن. تەڭگەگە مۇلىكتىك زالال وتەلدى.
الماتى تۇرعىندارىنىڭ قاۋىپسىزدىگى ءۇشىن 2022 جىلى قوسىمشا 16،8. تەڭگە ءبولىندى. قارجى پوليسيا دەپارتامەنتىنىڭ كولىك قۇرالدارى مەن 3050 كامەرانى قالپىنا كەلتىرۋگە، قارجىلاي وتەماقى تولەۋگە جانە ارنايى تەحنيكا، جابدىقتار ساتىپ الۋعا جۇمسالدى.
2022 جىلى الماتىنىڭ ەكونوميكالىق ءوسۋى 5،1% دەڭگەيىندە بولدى. وڭدەۋ ونەركاسىبى ەكونوميكانىڭ ءوسۋىنىڭ درايۆەرى بولدى. ءوسىم 13% قۇرادى. قابىلدانعان شارالار مەگاپوليس ەكونوميكاسىنداعى شاعىن جانە ورتا بيزنەستىڭ ۇلەسىن 57،8% دەيىن ارتتىرۋعا مۇمكىندىك بەردى.
الماتى – مەملەكەتتىك بيۋدجەت كىرىسىنىڭ تورتتەن ءبىر بولىگىن قامتاماسىز ەتەتىن دونور. 2022 جىلدىڭ قورىتىندىسى بويىنشا الماتىنىڭ ۇلەسى 26،2% قۇرادى.
2022 جىلى رەسپۋبليكالىق بيۋدجەتكە 2 ترلن. 961،7 ملرد. تەڭگە ءتۇسىم جىبەرىلدى. وتكەن جىلمەن سالىستىرعاندا ءوسىم 41،9% قۇرادى.
جەرگىلىكتى بيۋدجەتكە 1 ترلن. 175،2 ملرد. تەڭگە ءتۇستى، بۇل 2021 جىلعا قاراعاندا 42% ارتىق. تۇسىمدەردىڭ ءوسۋى بارلىق بيۋدجەتتىك مىندەتتەردىڭ ورىندالۋىن قامتاماسىز ەتتى.
2022 جىلى يگەرىلمەۋ
29،7 ملرد. تەڭگەنى قۇرادى. الايدا، 7،1 ملرد. تەڭگە – 2023 جىلى قايتا پايدالانۋعا رۇقسات ەتىلگەن ۇلتتىق قوردىڭ قاراجاتى، 5،8 ملرد. تەڭگە – ۇنەمدەۋ جانە 1،7 ملرد. تەڭگە – جەرگىلىكتى اتقارۋشى ورگان رەزەرۆىنىڭ قالدىعى.
وسىلايشا، مەردىگەرلەردىڭ جاۋاپسىزدىعىنا، ۇزاق كونكۋرستىق راسىمدەرگە جانە باسقا دا جاعدايلارعا بايلانىستى 15،1 ملرد. تەڭگە يگەرىلمەي قالدى.
2022 جىلى «الماتى قالاسىنىڭ ەرەكشە مارتەبەسى تۋرالى» زاڭىنا وزگەرىستەر ەنگىزىلدى. قالانىڭ ەرەكشەلىگىن ەسكەرە وتىرىپ مەگاپوليس ماسەلەلەرىن شەشۋدىڭ جاڭا تاسىلدەرى انىقتالدى.
وزگەرىستەر قالا قۇرىلىسى كەڭەسىن قۇرۋعا، جىلجىمايتىن مۇلىكتى رەسىمدەۋ جونىندەگى كوميسسيانى قۇرۋعا، جاسىل جەلەكتەردى كۇتىپ ۇستاۋ جانە قورعاۋ قاعيدالارىن بەكىتۋگە، الماتىنىڭ ديزاين كودىن ازىرلەۋگە جانە باسقالارىن بەكىتۋگە مۇمكىندىك بەردى.
الماتى تۇرعىندارىنىڭ ءومىر ءسۇرۋ ساپاسىن جاقسارتۋ، الەۋمەتتىك، ينجەنەرلىك جانە كولىك ينفراقۇرىلىمدارىنىڭ جۇيەلى ماسەلەلەرىن شەشۋ ءۇشىن 2022 جىلدىڭ قىركۇيەك ايىندا ءماسليحات «الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالارىن» بەكىتتى.
دامۋ باعدارلاماسىن ءىس جۇزىندە ىسكە اسىرۋ ماقساتىندا الماتى قالاسى اكىمدىگىنىڭ 2022 جىلعى 15 جەلتوقسانداعى قاۋلىسىمەن جول كارتالارى بەكىتىلدى.
قاجەتتى قاراجات ءماسليحاتتىڭ 2022 جىلعى 9 جەلتوقسانداعى شەشىمىمەن بەكىتىلگەن الماتى قالاسىنىڭ 2023-2025 جىلدارعا ارنالعان بيۋدجەتىندە كوزدەلگەن.