الماتىدا وڭىرلىك سامسا (ورتالىق ازيا - موڭعوليا - كاۆكاز - اۋعانستان) فورۋمى بولدى. 10 ەلدىڭ وكىلدەرى قاتىسقان فورۋمدا حالىقارالىق كۇن ءتارتىبىنىڭ وزەكتى ماسەلەلەرى مەن وڭىرلىك جانە جاھاندىق دەڭگەيدەگى ىنتىماقتاستىقتى دامىتۋ جولدارى تالقىلاندى، دەپ حابارلايدى Almaty-akshamy.kz.
ق ر پارلامەنتى سەناتى باسپا ءسوز قىزمەتىنىڭ حابارلاۋىنشا، شارانى اقش-تىڭ تانىمال تالداۋ ورتالىعى – ورتالىق ازيا جانە كاۆكاز ينستيتۋتى جانە دونالد رامسفەلد اتىنداعى امەريكالىق قور ۇيىمداستىردى.
فورۋمدا ق ر پارلامەنتى سەناتىنىڭ دەپۋتاتى اسقار شاكىروۆ نەگىزگى بايانداما جاسادى.
شاراعا قاتىسۋشىلار ەلىمىزدىڭ پرەزيدەنتى قاسىم-جومارت توقايەۆتىڭ جاڭا ادىلەتتى قازاقستاندى قۇرۋعا باعىتتالعان اۋقىمدى ساياسي جاڭعىرتۋ باعدارلاماسىمەن تانىستى. دۇربەلەڭگە تولى الەمدەگى گەوساياسي جاعدايدى ەڭسەرۋ اياسىندا ورتالىق ازيا ەلدەرى مەن وڭىردەگى ورنىقتى دامۋدىڭ نەگىزگى سەبەبى رەتىندە ءوزارا بايلانىستى دامىتۋدىڭ ماڭىزدىلىعى اتاپ ءوتىلدى.
سەناتور ينتەرمودالدىق كوممۋنيكاسيالار مەن ساۋدا اعىندارىنىڭ حالىقارالىق نارىقتارعا وتكىزۋ مۇمكىندىگىن ەداۋىر كەڭەيتە الاتىن ورتا ءدالىزدى (ترانسكاسپيي كولىك باعىتى)، «سولتۇستىك-وڭتۇستىك» حالىقارالىق «ءبىر بەلدەۋ. ءبىر جول» كولىك ءدالىزىن دامىتۋ جونىندەگى ەلىمىزدىڭ كۇش-جىگەرى تۋرالى ايتىپ بەردى.
ءوڭىر الدىندا تۇرعان جاڭا سىن-قاتەرلەر جاعدايىندا ورتالىق ازيا مەملەكەتتەرىنىڭ كوپجوسپارلى ىنتىماقتاستىعىن كەڭەيتۋدىڭ ماڭىزدىلىعى اتاپ ءوتىلدى. قازىرگى كەزدەگى ءوزارا كوپجاقتى ءىس-قيمىلدىڭ الەۋەتىنە ءوڭىر ەلدەرىنىڭ پارلامەنتارالىق فورۋمىنىڭ جۇمىسى ورتالىق ازياداعى ورنىقتى دامۋدىڭ ستراتەگيالىق باعىتتارىن تالقىلايتىن تۇراقتى ديالوگ الاڭى رەتىندە جاردەمدەسەتىن بولادى.
قازاقستاندىق دەپۋتات وزىق تاجىريبەمەن الماسۋ جانە زاڭ شىعارۋ قىزمەتىنىڭ بارىسىن زەردەلەۋ ماقساتىندا قازاقستان اقش-پەن ستراتەگيالىق، ونىڭ ىشىندە پارلامەنتتىك بايلانىستار اياسىنداعى ارىپتەستىككە ەرەكشە ماڭىز بەرەتىنى تۋرالى ايتتى.
فورۋمعا قاتىسۋشىلار وسىنداي سيپاتتا ازەربايجان مەن وزبەكستاندا وتكىزىلگەن كەزدەسۋلەر مەن پىكىر الماسۋ قاجەتتىگى تۋرالى ءبىراۋىزدان پىكىر ءبىلدىردى.