الەۋمەتتىك-مەديسينالىق ساقتاندىرۋ قورىنىڭ بارلىق بولىمشەسىنە كەشەندى اۋديت جۇرگىزىلەدى، دەپ حابارلايدى Almaty-akshamy.kz.
بۇل تۋرالى ءماجىلىستىڭ جالپى وتىرىسىندا جوعارى اۋديتورلىق پالاتانىڭ ءتوراعاسى ناتاليا گودۋنوۆا ايتتى، دەپ جازدى قازاقپارات.
«كونستيتۋسيالىق رەفورمانى ىسكە اسىرۋ اياسىندا بۇگىن قارالىپ وتىرعان جوعارى اۋديتورلىق پالاتانىڭ ەسەبىمەن قاتار ماجىلىسكە جىلۋمەن جابدىقتاۋ سالاسىنداعى باسقارۋ تيىمدىلىگىنە جۇرگىزىلگەن اۋديت قورىتىندىسى بويىنشا ەسەپ ەنگىزىلدى. انىقتالعان فاكتىلەر مەن ازىرلەنگەن ۇسىنىمدار وسى سالادا جۇرگىزىلىپ جاتقان جۇمىستى جەتىلدىرۋگە مۇمكىندىك بەرەدى دەپ ۇمىتتەنەمىز. سونداي-اق، جوعارى اۋديتورلىق پالاتا وسى جىلدىڭ سوڭىندا مەملەكەت باسشىسىنىڭ تاپسىرماسى بويىنشا الەۋمەتتىك-مەديسينالىق ساقتاندىرۋ قورىنىڭ بۇكىل 20 وڭىرلىك بولىمشەسىنە كەشەندى اۋديت جۇرگىزۋگە كىرىسەتىنىن ايتا كەتەيىن»، - دەدى ناتاليا گودۋنوۆا.