بۇل تۋرالى ءماجىلىس دەپۋتاتى ەرلان سايىروۆ ءماجىلىستىڭ جالپى وتىرىسىندا ايتتى، دەپ حابارلايدى Almaty-akshamy.kz.
2022 جىلى يگەرىلمەگەن قاراجات 325 ملرد تەڭگەنى قۇرادى. ءبىر جىل ىشىندە بيۋدجەت بويىنشا قوسىمشا 8 تۇزەتۋ، 1 ناقتىلاۋ جۇرگىزىلگەن. تەك جۇرگىزىلگەن تۇزەتۋلەردىڭ ناتيجەسىندە 281 ملرد تەڭگەگە بيۋدجەت ازايتىلىپ، اكىمشىلەردىڭ شىعىسى 628،5 ملرد تەڭگەگە قايتا بولىنگەن. ياعني پارلامەنتتە بيۋدجەتتىڭ ناقتىلاۋىن ەسەپكە الماعاندا، بۇل شامامەن 1 ترلن تەڭگە، - دەپ ايتتى ءماجىلىس دەپۋتاتى.
ونىڭ ايتۋىنشا، بۇل ماسەلە مەملەكەتتىك ورگانداردىڭ، ادمينيستراتورلاردىڭ بيۋدجەت قاراجاتىن باسقارۋ دەڭگەيىنىڭ تومەن ەكەنىن جانە بيۋدجەتتىك ءتارتىپتىڭ اقساپ تۇرعانىن كورسەتەدى، دەپ جازدى BAQ.KZ.
بۇل ۇكىمەتتىڭ نەمقۇرايلىلىعىنان تۋىندايتىن تاۋەكەلدەردى بولدىرماۋ ءۇشىن قانداي شارا قابىلدايسىزدار؟ ۇكىمەت بيۋدجەتتى باسقارۋدى ءوزى تارتىپكە كەلتىرە الماسا، وندا زاڭ دەڭگەيىندە، ياعني ماجىلىستە بيۋدجەتكە تۇزەتۋلەر سانىن شەكتەۋ جونىندەگى نورما ەنگىزۋ قاجەت پە؟ – دەپ سۇرادى ول پرەمەر-مينيستردىڭ ورىنباسارى – قارجى ءمينيسترى ەرۇلان جاماۋبايەۆتان.
ءوز كەزەگىندە جاماۋبايەۆ دەپۋتاتتىڭ سۇراعىنا جاۋاپ بەردى.
قارجى ءمينيسترى رەتىندە كەز كەلگەن قارجىلىق تارتىپكە نەمەسە بيۋدجەتكە قاتىستى ۇسىنىستىڭ بارلىعىن قولدايمىن. دەگەنمەن ءسىز ايتىپ وتىرعان تۇزەتۋدىڭ بارلىعىن ناقتىلاۋ زاڭ اياسىندا جاسالعان. ول قاجەتتىلىك پەن ناقتى وبەكتيۆتى سەبەپتەرگە بايلانىستى. قارجى مينيسترلىگىندە مەملەكەتتىك اۋديت كوميتەتى بار. وسى كوميتەت بىلتىردىڭ وزىندە 500،2 ترلن بيۋدجەت قاراجاتىنا 2 300-دەن اسا اۋديتورلىق ءىس-شارا جۇرگىزگەن بولاتىن. ياعني قارجى مينيسترلىگى دە وسى قاراجاتقا ءتيىستى باقىلاۋ جۇرگىزىپ وتىرادى، - دەپ ايتتى قارجى ءمينيسترى.