حالىققا تەگىن مەديسينالىق كومەك كورسەتكەن.
بۇل تۋرالى «مەديسينالىق پويىزدار» قايىرىمدىلىق جوباسىنىڭ اياقتالۋىنا بايلانىستى وتكەن باسپا ءسوز ءماسليحاتىندا بەلگىلى بولدى، دەپ حابارلايدى Almaty-akshamy.kz Baq.kz cىلتەمە جاساپ.
بەلگىلى بولعانداي، پويىز 6 اي بويى شالعايداعى ەلدىمەكەندەردى ارالاپ، حالىققا تەگىن مەديسينالىق كومەك كورسەتكەن.
«جالپى Samruk-Kazyna Trust قورىنىڭ 2022 جىلعا ارنالعان قايىرىمدىلىق بيۋدجەتى 10 ملرد تەڭگەنى قۇرايدى. ونىڭ ىشىندە 9 ايدا 7،1 ملرد تەڭگە يگەرىلدى. بۇل رەتتە ەل بويىنشا 44 جوبا ىسكە اسىرىلۋدا، ونىڭ 30-ى بيىل قامقورشىلىق كەڭەستىڭ ماقۇلداۋىنا يە بولدى. سول جوبالاردىڭ ءبىرى – «مەديسينالىق پويىزدار». ءبىزدىڭ قور 760 ملن تەڭگەگە جۋىق قارجىعا قىزمەتىن تولىق قامتاماسىز ەتكەن جوبانىڭ ارقاسىندا شالعايدا ورنالاسقان ەلدىمەكەن تۇرعىندارىنا تەگىن مەديسينالىق كومەك كورسەتىلدى. ءبىز ءۇشىن بۇل جوبانىڭ ماڭىزى زور. ويتكەنى وسىنىڭ ارقاسىندا حالىق دەنساۋلىعىن جاقسارتۋعا، الىس اۋداندار مەن اۋىل تۇرعىندارىنا قاجەت قىزمەت تۇرلەرىن قولجەتىمدى ەتۋگە مۇمكىندىك تۋدى. اقجولتاي قۇرامنىڭ ارقاسىندا كوپتەگەن ەل تۇرعىندارى تەگىن ءارى ساپالى مەديسينالىق كومەك الىپ، ءومىر ءسۇرۋ ساپاسى جوعارىلاۋدا»، – دەپ اتاپ ءوتتى قوردىڭ الەۋمەتتىك جوبالاردى دامىتۋ قورىنىڭ باس ديرەكتورى الفيا ادييەۆا.
جوبا بويىنشا ەل اۋماعىنداعى بەكەتتەردە زاماناۋي دياگنوستيكالىق جابدىقتار ورناتىلعان «سالاماتتى قازاقستان» جانە «جاردەم» مەديسينالىق پويىزدارىنىڭ ماماندارى كومەك كورسەتكەن. مەديسينالىق پويىزدار بۇكىل رەسپۋبليكانى ارالاپ، 147 بەكەتتىن تۇرعىندارىن دەمالىسسىز قابىلداعان. جۇمىس بارىسىندا بارلىعى 80 649 قازاقستاندىققا ەمدەۋ-كونسۋلتاسيالىق قىزمەت كورسەتىلىپ، ونىڭ ىشىندە 21 867 بالا قارالدى. 5 097 شاعىن حيرۋرگيالىق وپەراسيا جاسالىپ، 26 587 ادامعا ستوماتولوگيالىق كومەك كورسەتىلدى. «جاردەم» مەديسينالىق پويىز ماماندارى 59 بالا سۇندەتتەلدى. مەديسينالىق پويىزداردا بارلىعى 389 388 دارىگەرلىك قابىلداۋ بولدى.
سالىستىرا كەتسەك، پاندەمياعا دەيىنگى 2019 جىلى جوباعا قاتىسقان ماماندار 273 ەلدىمەكەندى ارالاپ، 63 000-نان اسا تۇرعىن مەديسينالىق تەكسەرىستەن وتكەن.