149 جىلجىمالى مەديسينالىق كەشەن اۋىلدارعا شىعىپ جاتىر.
مەديسينالىق جىلجىمالى كەشەندەر ەلىمىزدىڭ 1،8 ملن تۇرعىنىن ۆاكسيناسيالادى. بۇل تۋرالى دەنساۋلىق ساقتاۋ مينيسترلىگىنىڭ مەديسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى گۇلنار سارسەنبايەۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەلىمىزدىڭ دەنساۋلىق ساقتاۋ جۇيەسى كوروناۆيرۋس ينفەكسياسىمەن بايلانىستى جاھاندىق وزگەرىستەر اياسىندا كۇردەلى اۋىرتپالىققا شىداس بەرىپ، ءبىرشاما ساپالى وزگەرىستەردى باستان كەشىردى. ماسەلەن، مەديسينالىق-سانيتارلىق العاشقى كومەك ۇيىمدارى جانىنان شامامەن 3 مىڭ ءموبيلدى بريگادا قۇرىلدى. ولار كوروناۆيرۋس ينفەكسياسىن جۇقتىرعان پاسەنتتەرگە كومەك كورسەتۋدە تيىمدىلىگىن كورسەتتى. وسى تاجىريبە جەتىلدىرىپ، دامىتىلىپ جاتىر. بۇگىندە كولىكتەگى مەديسينا شالعايداعى اۋىلداردىڭ تۇرعىندارىنا مەديسينالىق كومەكتى قامتاماسىز ەتىپ وتىر. اتاپ ايتقاندا، 149 جىلجىمالى مەديسينالىق كەشەن اۋىلدارعا شىعىپ، حالىقتىڭ ماقساتتى توپتارىنا سكرينينگتىك زەرتتەۋلەر جۇرگىزەدى. بەيىندى ماماندار كەڭەس بەرۋ ءۇشىن قابىلدايدى»، - دەدى ول ورتالىق كوممۋنيكاسيالار قىزمەتىندە وتكەن دوڭگەلەك ۇستەل بارىسىندا.
ونىڭ دەرەگىنشە، وتكەن جىلى جىلجىمالى مەديسينالىق كەشەندەر حالىقتى ۆاكسيناسيالاۋ جۇمىسىن جۇرگىزدى. شالعايداعى ەلدىمەكەندەردىڭ شامامەن 1،8 ملن تۇرعىنىنا كوروناۆيرۋس ينفەكسياسىنا قارسى ەكپە جاسادى.
«جىلجىمالى مەديسينالىق كەشەندەردىڭ جۇمىس قورىتىندىسىندا سوزىلمالى اۋرۋلارى بار تۇلعالار انىقتالىپ، باقىلاۋعا الىندى. بيىل دا كەشەندەر بەكىتىلگەن كەستەگە ساي جۇمىس ىستەپ جاتىر. وسى جىلىدڭ 1-توقسانىندا 300 مىڭنان استام تۇرعىنى بار 550 ەلدى مەكەنگە قىزمەت كورسەتىلدى. 118 مىڭ دياگنوستيكالىق، 57 مىڭنان استام زەرتحانالىق زەرتتەۋ جاسالدى. شامامەن 16 مىڭ ناۋقاس انىقتالىپ، ونىڭ 3 مىڭعا جۋىعى باقىلاۋعا الىندى»، - دەدى گۇلنار سارسەنبايەۆا.