"قازاقستان تەمىر جولى" ۇلتتىق تاسىمالداۋشىسى (قتج) ءوز پويىزدارىنىڭ ۆاگوندارىندا SOS باتىرماسىن ەنگىزۋدى جوسپارلاپ وتىر.
بۇل تۋرالى "جولاۋشىلار تاسىمالى" اق سەرۆيس دەپارتامەنتىنىڭ ديرەكتورى بوتاگوز اكىموۆا مالىمدەدى، دەپ حابارلايدى Almaty-akshamy.kz Elorda.info-عا سىلتەمە جاساپ.
"وتكەن جىلى ءبىز جاڭا ۆاگونداردا SOS باتىرماسى بولۋى ءۇشىن شارت قويدىق. جولاۋشى بىردەن كۋپەدە جولسەرىكتى شاقىرا الاتىن باتىرما. بۇل باعىتتا كومپانيا جۇمىس ىستەيدى"، – دەدى ول قتج-دا جۋرناليستەرمەن كەزدەسۋدە.
سپيكەر ۆاگوندا جولاۋشىعى باسقا جولاۋشى ءتيىسىپ، ءقاۋىپ توندىرسە، جولسەرىكتىڭ قانداي قۇزىرەتى بارىن ايتتى.
"مۇنداي كەز كەلگەن ارەكەت زاڭسىز بولىپ سانالادى. پويىزداردا پوليسيا دەپارتامەنتى ورگاندارىنىڭ كولىكتەگى سۇيەمەلدەۋى بار. وكىنىشكە قاراي، بارلىق پويىزدا جۇرمەيدى، ءبىراق ءبىز بىرنەشە رەت ىىم-گە جۇگىنىپ، ءبىز ءۇشىن ءجۇز پايىزدىق قامتۋ بولعانى ءجون، مۇنداي ساتتەردى ءبىزدىڭ قىزمەتكەرلەرىمىز دە، ىشكى ىستەر قىزمەتكەرلەرى دە كەسىپ ءوتۋى كەرەگىن ايتتىق"، – دەدى بوتاگوز اكىموۆا.
جانجال تۋىنداعان جاعدايدا، ەگەر پوەزدا كولىكتەگى پوليسيا دەپارتامەنتىنىڭ وكىلى بولماسا، جاقىن ستانسياداعى جولسەرىك بۇل تۋرالى قۇقىق قورعاۋ ورگاندارىنا حابارلاۋى ءتيىس.
"كەز كەلگەن جاعدايدا، جاقىن ستانسيادا بۇل جولاۋشى ءتۇسىرىلىپ، وعان اكت جاسالادى، شارالار قابىلدانادى. بۇل اكىمشىلىك قۇقىق بۇزۋشىلىق سياقتى"، - دەپ اتاپ ءوتتى سپيكەر.