ول پوليسياعا بەلسەندى تۇردە قارسىلىق كورسەتىپ، پىشاقپەن تاپ بەرگەن.
بۇل ايەل قىلمىستىق جاۋاپكەرشىلىكتەن بوساتۋعا كومەكتەسەمىن دەپ، بىرنەشە ادامدى الداعان، دەپ حابارلايدى Almaty-akshamy.kz قالالىق پوليسيا دەپارتامەنتىنە سىلتەمە جاساپ.
36 جاستاعى ايەل قىلمىستىق جاۋاپكەرشىلىكتەن بوساتۋعا ىقپال جاسايمىن دەپ، بىرنەشە ادامدى الداعان. ولاردىڭ ءبىرى وعان 20 مىڭ دوللار بەرگەن. الماتىنىڭ تاعى ءبىر تۇرعىنى قىلمىستىق قۇقىق بۇزۋشىلىقتىڭ كۆاليفيكاسياسىن وزگەرتۋگە تاپسىرىس بەرىپتى. سول ءۇشىن 2،5 ميلليون تەڭگەسىن ۇستاتقان. ارتىنان ەكەۋى دە پوليسياعا ارىز تۇسىرگەن. ال الاياق ايەلدى ۇستاۋ كەزىندە ءتارتىپ ساقشىلارى جاراقات الىپ قالا جازداعان.
«م.ەسىمدى ايەل قالا ورتالىعىندا ۇستالدى. ول پوليسياعا بەلسەندى تۇردە قارسىلىق كورسەتىپ، پىشاقپەن تاپ بەرگەن. ءبىراق ەشتەڭە شىقپادى. ودان كەيىن قاتتى ايعايلاپ، ءوتىپ بارا جاتقانداردىڭ نازارىن اۋدارۋعا تىرىستى»، - دەيدى پوليسەيلەر.
قازىرگى كەزدە قىلمىستىق كودەكستىڭ 190-بابى، 4-بولىگى (اسا ءىرى كولەمدە الاياقتىق) بويىنشا سوتقا دەيىنگى تەرگەۋ شارالارى باستالدى. مۇنداي قىلمىس ءۇشىن بەس جىلدان ون جىلعا دەيiنگi مەرزiمگە باس بوستاندىعىنان ايىرۋ جازاسى قاراستىرىلعان. كىنالى ادامنىڭ مۇلكى تاركىلەنەدى.
ءتارتىپ ساقشىلارى ۇستالعان ايەلدىڭ وسىعان ۇقساس باسقا دا قىلمىستارعا قاتىسى بار-جوعىن تەكسەرىپ جاتىر. ونىڭ ارەكەتىنەن زارداپ شەككەندەر 8-708-707-92-02 جانە 8-775-774-44-41 تەلەفوندارى ارقىلى حابارلاسا الادى.