بىرلەسكەن جۇمىستىڭ ناتيجەسى.
قازاقستاندىقتار وزدەرىنىڭ بارلىق مەديسينالىق دەرەكتەرىن EGOV mobile قوسىمشاسى ارقىلى كورە الادى، بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين Facebook پاراقشاسى ارقىلى جەتكىزدى، دەپ حابارلايدى Almaty-akshamy.kz.
«دوستار! جاعىمدى جاڭالىق! ەندى قازاقستاندىقتار وزدەرىنىڭ بارلىق مەديسينالىق دەرەكتەرىن EGOV mobile قوسىمشاسى ارقىلى كورە الادى. ياعني، بارلىق اقپارات ءبىر بولىمدە شوعىرلانادى. دارى-دارمەكتەردى تاعايىنداۋ، ديسپانسەرلىك ەسەپكە الۋ، مەديسينالىق انىقتامالار، ۆاكسيناسيا، اۋرۋحاناعا جاتقىزۋ، ەمدەلۋ تۋرالى مالىمەتتەر جانە باسقا دا ماڭىزدى اقپارات، سونىڭ ىشىندە بالالار تۋرالى اقپارات eDensaulyq بولىمىندە قولجەتىمدى بولادى»،- دەپ جازدى مينيستر.
ونىڭ ايتۋىنشا ،مۇنىڭ ءبارى - ءبىرىڭعاي مەديسينالىق سەرۆيستى قۇرۋ باعىتىنداعى دەنساۋلىق ساقتاۋ مينيسترلىگىمەن بىرلەسكەن جۇمىستىڭ ناتيجەسى.
«eDensaulyq ءبولىمى قازاقستان ازاماتتارىنىڭ مەديسينالىق دەرەكتەرىمەن تولىعا بەرەدى. سيفرلاندىرۋ جۇرگەن جەردە اشىقتىق ءپرينسيپى قاشاندا ءبىرىنشى ورىندا. ءبىز وسى قوسىمشانى ەنگىزۋ ارقىلى سىبايلاس جەمقورلىق تاۋەكەلدەرىن تۋدىراتىن كەدەرگىلەردى جويۋعا نيەتتىمىز. بۇدان بولەك، پايدالانۋشى قوسىمشادا كورسەتىلگەن اقپاراتپەن كەلىسپەسە، وندا ءسىز call (1406) ورتالىعىنا نەمەسە الەۋمەتتىك مەديسينالىق ساقتاندىرۋ قورىنىڭ Telegram-بوتى ارقىلى ءوتىنىشىن بىلدىرە الادى. وسىلايشا، ءتيىستى ماسەلەلەر نازارعا الىنىپ، ولقىلىقتار جويىلاتىن بولادى»، - دەدى باعدات مۋسين.