الماتىدا ۆاندالعا قارسى 214 شام ورناتىلدى، دەپ حابارلايدى almaty-akshamy.kz
ولار اباي داڭعىلىننان سەيفۋللين داڭعىلى بويىمەن دوستىق داڭعىلىنا دەيىنگى جاياۋ جۇرگىنشىلەر جولىن جارىقتاندىرادى. تورشەر شامدارى وسى ۋچاسكەدە تۇراتىن تۇرعىنداردىڭ ءوتىنىشى بويىنشا قولدانىستاعى تىرەكتەرگە ورناتىلدى. بۇرىنعى جارىققا توزىمدىلىك ساقتالدى، دەپ اتاپ ءوتتى «الماتى قالا جارىق» ماماندارى. اباي داڭعىلىندا بارلىعى ۆاندالعا قارسى 214 زاماناۋي شامدار ورناتىلدى. قالپىنا كەلتىرۋ جۇمىستارى اعىمداعى جوندەۋ اياسىندا جۇرگىزىلدى جانە قوسىمشا قاراجات قاجەت بولمادى.
تورشەر شامى الماتى قالاسى ءۇشىن ارنايى ازىرلەنگەن. ول ۇلتتىق ستيلدە ويۋ-ورنەكتەرمەن بەزەندىرىلگەن، بۇل كەشكە تروتۋار ايماعىندا ەرەكشە كورىنىس بەرەدى. تورشەر شامدارى تۇگەل مەتالل، سەنىمدى بەكىتپەلەرى بار. وندىرۋشىلەر نازىك تۇيىندەر مەن قوسىلىستاردان اۋلاق بولۋعا تىرىستى. ۆاندالعا قارسى تورشەر شامدار ءتوزىمدى.
تورشەر شامدارى اباي داڭعىلىندا تەست رەجيمىندە ورناتىلعان. كەيىنىرەك ولاردى قالانىڭ باسقا بولىكتەرىنە ورنالاستىرۋ ماسەلەسى زەرتتەلەتىن بولادى.
سونىمەن قاتار، «الماتى قالا جارىق» جەدەل - جوندەۋ بريگاداسى ساتبايەۆ-بايزاقوۆ جولايرىعىندا جۇمىس ىستەمەيتىن دىڭگەكتەردى قالپىنا كەلتىردى.
ەسكە سالساق، وسىدان ءبىر اي بۇرىن «الماتى قالا جارىق» كمك كوشە جارىعىنا قاتىستى پروبلەمالاردى جويۋ ءۇشىن تەحنيكالىق قىزمەتكەرلەر شتاتىن ۇلعايتتى. الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا وتىنىشتەردى ىسكە اسىرۋدى جىلدامداتۋ ءۇشىن جەرگىلىكتى ۋچاسكەلەردە 20 ادامنان تۇراتىن ءبىرىنشى بريگادا قۇرىلدى.