№ 47 جانە 195 مەكتەپتەر جانىنداعى قوسالقى نىساندار 750 بالانى وقۋشى ورىندارىمەن قامتاماسىز ەتەدى
الماتى اكىمى ەربولات دوسايەۆ جۇمىس ساپارى بارىسىندا تۇركسىب جانە مەدەۋ اۋداندارىنىڭ تۇرعىندارىمەن كەزدەسۋلەر كەزىندە № 47 جانە 195 مەكتەپتەر جانىنان سالىناتىن قوسالقى نىساندار قۇرىلىستارىنىڭ جوبالارىمەن، سونداي-اق ءبىرقاتار شاعىن اۋدانداردا ينجەنەرلىك جەلىلەر سالۋ جۇمىستارىنىڭ بارىسىمەن تانىستى، دەپ حابارلايدى almaty-akshamy.kz
قالا باسشىسىنىڭ تاپسىرماسى اياسىندا كامەنسكوە پلاتوداعى جالعىز №47 مەملەكەتتىك مەكتەپتە 300 ورىندىق باستاۋىش سىنىپتارعا ارنالعان ەكى كورپۋس پايدا بولادى.
بۇل وقۋ ورنى 1971 جىلى سالىندى، كۇردەلى جوندەۋ ءبىر رەت جۇرگىزىلدى – 2012 جىلى مەدەۋ اۋدانى بويىنشا 3،5 مىڭعا جۋىق وقۋشى ورىندارىنىڭ تاپشىلىعىن قىسقارتۋ اياسىندا مەكتەپتى كەڭەيتۋ تۋرالى شەشىم قابىلداندى.
مەدەۋ اۋدانىنىڭ اكىمى ەركەبۇلان ورازالين قالا باسشىسىنا جوباعا سايكەس اۋدانى 400 شارشى مەتر بولاتىن ءبىر قاباتتى كورپۋستىڭ بۇزىلاتىنى، قولدانىستاعى ءۇش قاباتتى عيماراتىڭ رەكونسترۋكسيالاناتىنى ءارى 3200 شارشى مەترگە ەكى جاڭا عيمارات سالىناتىنى تۋرالى باياندادى. جۇمىس بارىسىندا سپورت زالىن 2500 شارشى مەترگە جاڭعىرتۋ جوسپارلانعان.
ينجەنەرلىك جەلىلەردى دامىتۋ بويىنشا اۋدان اكىمى قوسىمشا رەزەرۆۋارلار سالىنىپ جاتقانىن، جوبا اعىمداعى جىلدىڭ سوڭىنا دەيىن اياقتالاتىنىن ايتتى.
سونداي-اق، جۇمىس ساپارى بارىسىندا قالا باسشىسى مەدەۋ اۋدانىنداعى وقۋ ورنىنا باردى. № 195 مەكتەپ «المەرەك» ش/ا 5000-نان استام تۇرعىنعا ارنالعان جالعىز ءبىلىم بەرۋ ۇيىمى. ەربولات دوسايەۆتىڭ تاپسىرماسى بويىنشا قۇرىلىس باسقارماسى 450 وقۋشىعا ارنالعان قوسالقى نىساننىڭ قۇرىلىس جوباسىن ازىرلەدى. جۇمىستاردى اياقتاۋ 2025 جىلعا جوسپارلانعان.
ەربولات دوسايەۆ الماتى قالاسىنىڭ ءبىلىم باسقارماسىنا جانە اۋدان اكىمدىگىنە قۇرىلىس كەزەڭىندە بالالاردى وقىتۋ مەن دامىتۋ ءۇشىن قولايلى جاعدايلار قاراستىرۋدى تاپسىردى. قالا باسشىسى جالپى ءبىلىم بەرەتىن مەكەمەلەرگە قوسىمشا كورپۋستار سالۋ الماتىنىڭ 2025 جىلعا دەيىنگى دامۋ باعدارلاماسىنا مەكتەپتەردىڭ ساپالى ۇيىمداستىرىلۋىن قادامدىق قولجەتىمدىلىكتى قامتاماسىز ەتۋگە جاۋاپ بەرەتىنىن اتاپ ءوتتى.
اۋداندى ارالاۋ بارىسىندا قالا اكىمى ينجەنەرلىك جەلىلەر قۇرىلىسىنىڭ بارىسىن تەكسەردى. المەرەك شاعىن اۋدانىندا جوبانىڭ ءبىرىنشى كەزەگىمەن 2021 جىلى 852 ابونەنت قامتىلدى، 15 جەلتوقسانعا دەيىن ۇزدىكسىز سۋمەن جابدىقتاۋعا جانە ورتالىق كارىزگە تاعى 339 ابونەنت قوسىلادى.
ەربولات دوسايەۆ كىشى الماتى وزەنىنىڭ جاعالاۋىن اباتتاندىرۋ جوسپارىمەن دە تانىستى. قالا باسشىسى اۋدان اكىمىنە جاقىن ماڭداعى شاعىن اۋدانداردىڭ تۇرعىندارىنا ىڭعايلى بولۋ ءۇشىن كوپىردىڭ استىنان ساپالى جاياۋ جۇرگىنشىلەر وتكەلىن جاساۋدى تاپسىردى.
جۇمىس ساپارى بارىسىندا ەربولات دوسايەۆ حالىقپەن كەزدەسۋ وتكىزدى جانە ونىڭ بارىسىندا قالانىڭ بارلىق اۋداندارىنا قولايلى جاعداي جاساي وتىرىپ، ولاردىڭ پوليسەنترلىك قاعيدات بويىنشا دامۋىن جالعاستىراتىنىن اتاپ ءوتتى.