«بالقاش» رەزەرۆۋارى كامەنسك ءۇستىرتى، كولساي، مۇزتاۋ جانە يۋبيلەينىي شاعىن اۋدانىنداعى 20 مىڭنان استام تۇرعىندى سۋمەن قامتاماسىز ەتەدى
الماتىداعى مەدەۋ اۋدانىنىڭ جوعارعى جاعىندا تۇراتىن جاندار 2023 جىلدىڭ سوڭىنا دەيىن جەراستى سۋ كوزدەرىنە قوسىلادى، دەپ حابارلايدى almaty-akshamy.kz
قالانىڭ وڭتۇستىك بولىگىن جەراستى سۋمەن جابدىقتاۋ كوزدەرىنە قوسۋ جونىندەگى العاشقى اۋقىمدى جوبانىڭ قۇرىلىسى بيىل 25 جەلتوقسانىنا دەيىن اياقتالادى. بۇل تۋرالى قالا باسشىسى ەربولات دوسايەۆقا مەدەۋ اۋدانىن ارالاۋ بارىسىندا باياندادى.
قالا باسشىسى بيىل جازدا تاۋ بوكتەرىندەگى تۇرعىنداردى تاۋ وزەندەرىنە تاۋەلدىلىكتەن ارىلتۋدى تاپسىردى: قاتتى ىستىق پەن مۇزدىقتاردىڭ قارقىندى ەرۋىنەن سەل بولىپ، وزەندەر لايلاندى، بۇل سۋ ماسەلەسىن تۋدىردى. بۇعان دەيىن 2022 جىلى كولەمنىڭ، ۇڭعىمانىڭ 2،5 ەسە – 150-دەن 60 م3-گە دەيىن ازايۋى تىركەلگەن بولاتىن. قازىرگى ۋاقىتتا كامەنسك ءۇستىرتى شاعىن اۋداننىڭ 2 مىڭنان استام تۇرعىنى ورتالىق سۋمەن جانە كارىزبەن قامتىلماعان.
بيىل مامىر ايىندا ءتورت جاڭا سۋ كوزىنىڭ قۇرىلىسى باستالدى. سونىمەن قاتار، «بالقاش» رەزەرۆۋارى مەن سورعى بەكەتىن تولىق قايتا قۇرۋ تۋرالى شەشىم قابىلداندى. جوبا اياسىندا مەدەۋ اۋدانىنىڭ ينجەنەرلىك جەلىسى مەن نىساندارى جەراستى سۋ جيناعىشتارىنىڭ قوسىمشا قولدا بار قۋاتىنا قوسىلادى.
قالا باسشىسىنا اۋدان اكىمى ەركەبۇلان ورازالين بايانداعانداي، رەزەرۆۋارلاردى سالۋدان باسقا، قولدانىستاعى «كاپتاج» سورعى ستانسياسىنىڭ جانىنداعى قولدانىستاعى ءۇش ۇڭعىمانى قايتا جاڭارتۋ جۇمىستارى جۇرگىزىلۋدە. جۇرگىزىلىپ جاتقان جۇمىستار ۇڭعىمالاردان الىناتىن سۋ كولەمىن ەكى ەسەگە جۋىق ارتتىرۋعا مۇمكىندىك بەرەدى. سونىڭ ناتيجەسىندە رەزەرۆۋارلاردىڭ قۇرىلىسى كامەنسك ءۇستىرتى، يۋبيلەينىي، كولساي جانە مۇزتاۋ شاعىن اۋداندارىنىڭ 20 مىڭنان استام تۇرعىنىن سۋمەن قامتاماسىز ەتۋگە مۇمكىندىك بەرەدى.
سونىمەن بىرگە، قازىرگى ۋاقىتتا جالپى ۇزىندىعى 45،8 كم سۋمەن جابدىقتاۋ جانە كارىز جەلىلەرىن سالۋ بويىنشا 4 جوبا بويىنشا جۇمىستار جۇرگىزىلۋدە، ولاردى 2024 جىلى اياقتاۋ جوسپارلانعان. الداعى 2 جىلعا جالپى ۇزىندىعى 140 كم سۋمەن جابدىقتاۋ جانە سۋ بۇرۋ تاراتۋ جەلىلەرىن سالۋعا جوبالاۋ-سمەتالىق قۇجاتتاما ازىرلەنىپ جاتىر. 2025 جىلدىڭ سوڭىنا قاراي اۋداننىڭ سۋمەن قامتۋ ماسەلەسىن تولىقتاي شەشۋ كوزدەلگەن.
«ءبىز قوسىمشا قۋات قوسامىز: جاڭا رەزەرۆۋارلار ينجەنەرلىك جەلىلەردەگى جۇكتەمەنى ازايتۋعا مۇمكىندىك بەرەدى. بيىل جازدا پايدا بولعان سۋمەن قامتۋ ماسەلەسى قايتالانۋى مۇمكىن. بۇل جوبا اياقتالعاننان كەيىن ءبىز تالعار سۋ قۇبىرىنان قوسىمشا سۋ تارتامىز. ال-فارابيدەن جوعارى جاقتى جازعا دەيىن اياقتايمىز، بۇل ءبىرىنشى كەزەكتە مەدەۋ جانە بوستاندىق اۋداندارىنا قاتىستى، ءتىپتى ەڭ اپتاپ ىستىقتا دا تۇراقتى تۇردە سۋمەن قامتاماسىز ەتەمىز»، - دەدى الماتى اكىمى ەربولات دوسايەۆ.
جۇرگىزىلىپ جاتقان جۇمىس ورتالىقتاندىرىلعان كوممۋنالدىق جەلىلەرى جوق اۋماقتاردا ساپالى سۋمەن قامتۋ بويىنشا الماتىنىڭ 2025 جىلعا دەيىنگى دامۋ باعدارلاماسىندا قويىلعان تالاپتارعا سايكەس كەلەدى.