الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە ءسوز سويلەگەن مەدەۋ اۋدانىنىڭ اكىمى ەركەبۇلان ورازالين اۋداندا سۋ كوزدەرىن سالۋ جانە قولدانىستاعى سۋ جۇيەلەرىن جوندەۋ جۇمىستارى جۇرگىزىلىپ جاتقانىن ايتتى، دەپ حابارلايدى almaty-akshamy.kz
ە.ءورازاليننىڭ ايتۋىنشا، اۋدان تۇرعىندارىن ورتالىقتاندىرىلعان سۋ جۇيەسىمەن قامتۋ باسىم باعىتتاردىڭ ءبىرى.
“«كامەنسكوە پلاتو»، «كولساي، «مۇزتاۋ» جانە «يۋبيلەينىي» شاعىن اۋدان تۇرعىندارىن تۇراقتى سۋمەن قامتاماسىز ەتۋ ءۇشىن قالا اكىمىنىڭ تاپسىرماسى بويىنشا تج جەلىسى ارقىلى جالپى كولەمى 7،3 مىڭ شارشى مەترلىك جەتى رەزەرۆۋار، ءۇش جاڭا ۇڭعىما سالۋ جانە جالپى كولەمى 500 شارشى مەتر بولاتىن ءۇش قولدانىستاعى ۇڭعىمانى جاڭارتۋ، 9،6 شاقىرىم ماگيسترالدىق جەلىلەردى سالۋ جانە جاڭارتۋ جۇمىستارى جۇرگىزىلۋدە”، - دەپ اتاپ ءوتتى مەدەۋ اۋدانىنىڭ اكىمى.
قۇرىلىس-مونتاجداۋ جۇمىستارىن اياقتاۋ وسى جىلدىڭ 25 جەلتوقسانىنا دەيىن جوسپارلانعان.
بيىل ءساۋىر ايىندا جالپى ۇزىندىعى 46 شاقىرىم سۋ قۇبىرى جانە كارىز جەلىلەرىنىڭ قۇرىلىسى باستالدى. «كولساي»، «كەنساي» شاعىن اۋداندارى جانە حاليۋللين كوشەسىندەگى جۇمىستاردى 2023 جىلدىڭ سوڭىنا دەيىن اياقتاۋ جوسپارلانعان.
«كومپوت» شاعىن اۋدانى، س.نۇرماعامبەتوۆ پەن ر. باعلانوۆا كوشەلەرىندەگى جۇمىستارى وسى جىلدىڭ شىلدە ايىندا باستالدى. قۇرىلىس-مونتاجداۋ جۇمىستارى 2024 جىلدىڭ قىركۇيەگىندە اياقتالادى.
«دۋمان» شاعىناۋدانىنداعى جالپى ۇزىندىعى 23،7 شاقىرىم جانە «سۇلۋساي» شاعىن اۋدانىنداعى سۋمەن جابدىقتاۋ جانە كارىز جەلىلەرىن سالۋ، جالپى ۇزىندىعى 18،1 شاقىرىم ەكى ۇڭعىما، سۋمەن جابدىقتاۋ جانە كارىز جەلىلەرىن سالۋعا ارنالعان جوبالار بويىنشا مەملەكەتتىك ساراپتامانىڭ وڭ قورىتىندىلارى الىندى. قۇرىلىس-مونتاجداۋ جۇمىستارى 2024 جىلعا جوسپارلانعان.
سونداي-اق، «الاتاۋ»، «اتىراۋ» ش/ا جانە مالايا ستانيسا ايماعىندا (32 كوشە) سۋمەن جابدىقتاۋ جانە كارىز جەلىلەرىن سالۋ بويىنشا جسق ازىرلەنۋدە. ساراپتاما 2024 جىلدىڭ I توقسانىندا شىعادى دەپ كۇتىلۋدە.
سونداي-اق «الاتاۋ»، «اتىراۋ» شاعىن اۋداندارى مەن مالايا ستانيسا ايماعىندا سۋمەن جابدىقتاۋ جانە كارىز جەلىلەرىن سالۋعا جوبالىق-سمەتالىق قۇجاتتاما ازىرلەنۋدە. ساراپتاما 2024 جىلدىڭ ءبىرىنشى توقسانىندا شىعادى دەپ كۇتىلۋدە.