بۇل تۋرالى الماتى قالاسى وڭىرلىك كوممۋنيكاسيالار قىزمەتىندە وتكەن بريفينگتە مەدەۋ اۋدانىنىڭ اكىمى ەركەبۇلان ورازالين مالىمدەدى. سونداي-اق، ارىق جەلىلەرىن سالۋ جانە جاڭارتۋ جوباسى اياسىندا اۋداندا ۇزىندىعى 23،6 كم بولاتىن 31 كوشە بويىنشا جۇمىستار جۇرگىزىلىپ جاتقانىن ايتتى.
بۇگىنگى تاڭدا 18 كوشەدە 6 كم جاڭا ارىق جەلىلەرى سالىندى. ءۇش كوشەدە (بايقوڭىر، ءشارىپوۆا، تاتتىبەكوۆا – 1،2 كم) قۇرىلىس-مونتاجداۋ جۇمىستارى اياقتالۋدا. قالعان 10 كوشەدەگى 16،4 شاقىرىمدى قامتيتىن جۇمىستار 2024 جىلدىڭ 4-توقسانىندا اياقتالادى، بۇل اعىندى سۋلاردى ايتارلىقتاي جاقسارتىپ، سۋ تاسقىنىن جويۋعا مۇمكىندىك بەرەدى. ). ۇزىندىعى 16،4 شاقىرىم قۇرايتىن 10 كوشە بويىنشا جۇمىستار 2024 جىلدىڭ 4-توقسانىندا اياقتالادى. ناتيجەسىندە، اعىندى سۋلار ەداۋىر جاقسارتىپ، سۋ تاسقىنىن جويادى دەپ كۇتىلۋدە.
جول جوندەۋ ماسەلەسىنە توقتالعان ەركەبۇلان ورازالين، قالالىق موبيلدىلىك باسقارماسى تاراپىنان ۇزىندىعى 22،15 شاقىرىم بولاتىن 26 كوشەدە ورتاشا جوندەۋ جۇمىستارى اياقتالعانىن ايتتى. ال ورتالىقسىزداندىرۋ اياسىندا اۋدان اكىمدىگىمەن 2023 جىلى 68 مىڭ م2 جولداردى اعىمداعى جوندەۋ اياقتالىپ، 75 كوشە جوندەلدى.
سونداي-اق، ۇزىندىعى 24،5 شاقىرىم قۇرايتىن 29 كوشەدە جاياۋ جۇرگىنشىلەر جولىن رەتكە كەلتىرۋ جۇمىستارى اياقتالدى. اۋدانداعى 15 كوشەنىڭ بويىندا (گوگول، قالداياقوۆ، قابانباي باتىر، بوگەنباي باتىر، م.مامەتوۆا، قونايەۆ، جانگەلدين كوشەلەرىنىڭ بويىندا) ىرگەلەس اۋماقتاردى اباتتاندىرۋمەن قاتار (قارا توپىراقتى تەگىستەۋ جانە كوگالداندىرۋ) 7،3 كم جاياۋ جۇرگىنشىلەر جولى سالىندى.
«قوعامدىق كولىكتىڭ جىلجىمالى قۇرامىن جاڭارتۋ جۇمىستارى جالعاسۋدا. بۇگىنگى تاڭدا 218 اۆتوبۋستىڭ جىلجىمالى قۇرامى جاڭارتىلدى (№8،13،17،29 ر، 37،38،65،69،117،119،131،207،225). جىل سوڭىنا دەيىن تاعى 10 مارشرۋتتا 249 اۆتوبۋس كولەمىندە جىلجىمالى قۇرامدار (№79، 63، 50، 45، 32، 12، 92، 118، 120، 121) جانە 30 تاۋ اۆتوبۋسى جاڭارتىلادى»، - دەپ اتاپ ءوتتى مەدەۋ اۋدانىنىڭ اكىمى.
ە. ورازالين كوشەلەردى جارىقتاندىرۋ ماسەلەسىنە دە توقتالدى. 1 قاراشادا «الماتى قالا جارىق» مكك-مەن ۇزىندىعى 649،8 شاقىرىم اۋداننىڭ 29 920 جارىق نۇكتەلەرىنە قىزمەت كورسەتۋگە جانە سىرتقى جارىقتاندىرۋ جەلىلەرىن جوندەۋگە كەلىسىم-شارت جاسالدى (سىرتقى جارىقتاندىرۋدى باسقارۋ شكافتارى – 268 دانا).
بۇگىنگى تاڭدا ۇزىندىعى 1 027 شامدى جوندەۋ جۇمىستارى جۇرگىزىلدى، 160 كابەل جەلىسىنىڭ ۇزىلىستەرى، 66 جەردە كابەلدىك تۇيىقتالۋ جويىلدى. بۇل باعىتتاعى جۇمىستار جالعاسۋدا.